މ.މަޑުއްވަރީ ޞިއްޙީމަރުކަޒުން ޙަވާލުކުރާ ލެބޯޓަރީ ސާންޕަލް ހިފައިގެން މ.ދިއްގަރަށް ދަތުރު ކޮށްދޭނެ ފަރާތެއް ބޭނުންވެއްޖެ.

އިޢުލާން

މ.މަޑުއްވަރީ ޞިއްޙީމަރުކަޒުން ޙަވާލުކުރާ ލެބޯޓަރީ ސާންޕަލް ހިފައިގެން މ.ދިއްގަރަށް ދަތުރު ކުރުމަށް ކުރެވުނު ނަންބަރު: (IUL)K9-HC/2023/02 އިޢުލާނާ ގުޅިގެން މައުލޫމާތު ސާފުކުރުމަށް ހާޟިރުވެފައިވަނީ 2 ފަރާތަކުން ކަމަށްވާތީ، އެ އިޢުލާން ބާތިލުކުރުމަށްފަހު އަލުން އެފުރުސަތު ހުޅުވާލަމެވެ. މ.މަޑުއްވަރީ ޞިއްޙީމަރުކަޒުން ޙަވާލުކުރާ ލެބޯޓަރީ ސާންޕަލް ހިފައިގެން މ.ދިއްގަރަށް ހުކުރު ދުވަސް ފިޔަވައި ކޮންމެ ދުވަހަކު އެއްފަހަރު (ހުކުރު ދުވަސް ނުވަތަ ސަރުކާރު ބަންދު ދުވަހެއްގައިވެސް މަރުކަޒުން އެދިއްޖެނަމަ) 1 އަހަރު ދުވަހުގެ މުއްދަތަށް ދަތުރު ކޮށްދެއްވާނެ ފަރާތެއް ހޯދުމަށް ބޭނުންވެއްޖެއެވެ.

1-      މ.މަޑުއްވަރީ ޞިއްޙީމަރުކަޒުން މ.ދިއްގަރު ޞިއްޙީމަރުކަޒަށް ސާންޕަލްތައް ގެންދިއުމާއި އަނބުރާގެނައުން.

2-      މަރުކަޒުން ނަގާ ސާންޕަލްތައް ޙަވާލުކުރާތާ 1 ގަޑިއިރުތެރޭގައި ކަނޑައަޅާ ރަށަކަށް ރައްކާތެރިކަމާއެކު ގެންދިއުން.

3-    ސާންޕަލް ކެރިއަރ ޙަވާލުވާ ވަގުތުން ފެށިގެން އެންމެ ލަސްވެގެން 4 ގަޑިއިރު ތެރޭގައި އަނބުރާ ހުސް ކެރިއަރ އެމަރުކަޒަކަށް ޙަވާލުކޮށްދިނުން.

4-  އުޅަނދަށް އެއްވެސް މައްސަލައެއް ދިމާވެއްޖެނަމަ ވަގުތަށް ސާންޕަލް ކެރިއަރ ރައްކާތެރިކަމާއެކު ކަނޑައަޅާ މަރުކަޒަކަށް ގެންދިޔުމުގެ އިންތިޒާމް ހަމަޖެއްސުމަކީ މި ބިޑް ކާމިޔާބު ކުރާ ފަރާތުގެ ޒިންމާއެއް.

ވީމާ، މިކަމަށް އެދިލައްވާ ފަރާތްތަކުން 10 އޭޕްރިލް  2023 ވާ ހޯމަ ދުވަހުގެ 11:00 އަށް މ.މަޑުއްވަރީ ޞިއްޙީމަރުކަޒަށް ވަޑައިގެން މަޢުލޫމާތު ސާފުކުރުމަށްފަހު، 12 އޭޕްރިލް 2023 ވާ ބުދަ ދުވަހުގެ 11:00 އަށް މ.މަޑުއްވަރީ ޞިއްޙީމަރުކަޒަށް ވަޑައިގެން އަގު ހުށައެޅުއްވުން އެދެމެވެ.

05 އޭޕްރިލް 2023