މި އިދާރާގެ މިދަންނަވާ މަޤާމަށް މީހަކު ބޭނުން ވެއްޖެއެވެ.

މަޤާމުގެ ޝަރުޠު:

1. އެޑްމިނިސްޓްރޭޝަން/ މެނޭޖްމަންޓް ދާއިރާއަކުން ދަށްވެގެން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް 4 ގެ ސަނަދެއް ޙާޞިލް ކޮށްފައިވުމާއެކު، އެޑްމިނިސްޓްރޭޝަން/ މެނޭޖްމަންޓް ދާއިރާއެއްގައި 8 އަހަރު ދުވަހުގެ މަސައްކަތުގެ ތަޖުރިބާ ލިބިފައިވުން، ނުވަތަ

2. އެޑްމިނިސްޓްރޭޝަން/ މެނޭޖްމަންޓް ދާއިރާއަކުން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް 5 ގެ ސަނަދެއް ޙާޞިލްކޮށްފައި ވުމާއެކު، އެޑްމިނިސްޓްރޭޝަން/ މެނޭޖްމަންޓް ދާއިރާއެއްގައި 6 އަހަރު ދުވަހުގެ މަސައްކަތުގެ ތަޖުރިބާ ލިބިފައިވުން، ނުވަތަ

3. އެޑްމިނިސްޓްރޭޝަން/ މެނޭޖްމަންޓް ދާއިރާއަކުން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް 6 ގެ ސަނަދެއް ޙާޞިލް ކޮށްފައިވުމާއެކު، އެޑްމިނިސްޓްރޭޝަން/ މެނޭޖްމަންޓް ދާއިރާއެއްގައި 4 އަހަރު ދުވަހުގެ މަސައްކަތުގެ ތަޖުރިބާ ލިބިފައިވުން. ނުވަތަ

4. އެޑްމިނިސްޓްރޭޝަން/ މެނޭޖްމަންޓް ދާއިރާއަކުން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް 7 ގެ ސަނަދެއް ޙާޞިލް ކޮށްފައިވުން، ނުވަތަ

5. އެޑްމިނިސްޓްރޭޝަން/ މެނޭޖްމަންޓް ދާއިރާއަކުން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް 4 ގެ ސަނަދެއް ޙާޞިލްކޮށްފައި ވުމާއެކު، ގުޅުން ހުރި އެހެންދާއިރާއަކުން ލެވެލް 7 ނުވަތަ އެއަށްވުރެ މަތީ ސަނަދެއް ޙާޞިލް ކޮށްފައިވުން.

މަޤާމުގެ މަސްއޫލިއްޔަތުތައް:

1. އިދާރީ ދާއިރާގެ ތަރައްޤީގެ މަޝްރޫޢުތައް (އެއްރަށަށްވުރެގިނަ ރަށްރަށަށް) ރޭވުމުގައި ރައްޔިތުންގެ ޚިޔާލާއި މަޝްވަރާ، ކަމާބެހޭ ފަރާތްތަކަށް ދިނުން.
2. އަތޮޅުކައުންސިލަށް ލިބިދީފައިވާ ބާރާއި، މަސްއޫލިއްޔަތު އަދާކުރުމަށްޓަކައި ކައުންސިލްގެ އިޚްތިޞާޞްގައި ހިމެނޭ ކަންތައްތައް ތަންފީޒު ކުރުމަށް ބޭނުންވާ ޕުލޭންތައް ހެދުން.
3. ޢަމަލު ކުރެވެމުންދާ އަތޮޅު ތަރައްޤީގެ ޕުލޭނުގެ މުއްދަތު ހަމަވުމުގެ 4 މަސްދުވަސް ކުރިން، ޤައުމީ ތަރައްޤީގެ ޕުލޭނަށް އަމާޒުކޮށްގެން ކުރިއަށްއޮތް 5 އަހަރު ދުވަހަށް ތައްޔާރުކުރާ ތަރައްޤީގެ ޕުލޭން އެކުލަވައިލުން.
4. ޤާނޫނުގެ ދަށުން އަތޮޅު ކައުންސިލަށް ލިބިފައިވާ ބާރާއި، މަސްއޫލިއްޔަތު އަދާކުރުމަށްޓަކައި ކައުންސިލްގެ އިޚްތިޞާޞްގައި ހިމެނޭ ތަރައްޤީގެ މަޝްރޫޢުތައް ރަށުކައުންސިލުން ތަންފީޒުކުރުމުގެ ކަންތައްތައް ހިނގާ ނުހިނގާގޮތް ބެލުން.
5. ދިވެހިރާއްޖޭގެ ބިމާބެހޭ ޤާނޫނާއި އަދި އެނޫންވެސް ޤާނޫނުތަކުގައި ބަޔާންކޮށްފައިވާ ގޮތުގެމަތިން އިޤްތިޞާދީ ނުވަތަ އިޖުތިމާޢީ ބޭނުންތަކަށް ކައުންސިލްގެ ނަމުގައި ބިންބިމާއި، ފަރާއި ފަޅު ހޯދުން.
6. އިޤްތިޞާދީ ނުވަތަ އިޖުތިމާޢީ ބޭނުންތަކަށް ކައުންސިލްގެ ނަމުގައި ހޯދާ ބިންބިމާއި، ފަރާއި ފަޅު ފަދަ ތަންތަނުގައި އިންވެސްޓްކުރުމަށްޓަކައި ކައުންސިލުން ނިންމަވާގޮތެއްގެ މަތިން އިންވެސްޓަރުން ހޯދުމާއި، އިންވެސްޓްކުރުމާއި އަދި މިލްކުކުރުން.
7. އިޤްތިޞާދީ ނުވަތަ އިޖުތިމާޢީ ބޭނުންތަކަށް ކައުންސިލުން ނިންމާފައިވާ ގޮތުގެމަތިން ކައުންސިލްގެ ނަމުގައި އުފުލޭ އަދި ނުއުފުލޭ މުދާ ހޯދުމާއި މިލްކު ކުރުން.
8. ކައުންސިލްގެ ބެލުމުގެ ދަށުގައި ހުންނަ އުފުލޭ މުދަލާއި، ނުއުފުލޭ މުދާ ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނުގެ ދަށުން ހެދޭ ގަވާއިދުގައިވާ ގޮތުގެމަތިން ކައުންސިލުން ނިންމުމުން އެހެން ފަރާތްފަރާތަށް ކުއްޔަށް ދިނުމާއި ދޫކުރުން.
9. އިދާރީ ދާއިރާގެ ފެންވަރުގައި ކައުންސިލުން ދޭންޖެހޭ ޚިދުމަތްތައް ފޯރުކޮށްދިނުމަށްޓަކައި ކައުންސިލުން ނިންމުމުން އެކިފަރާތްތަކާއެކު އެގްރީމެންޓްކޮށް ވިޔަފާރީގެ މުޢާމަލާތްކުރުން.

  10. ދިވެހިރާއްޖޭގެ ޤާނޫނުތަކާ އެއްގޮތްވާ ގޮތުގެމަތިން އިދާރީ ދާއިރާގެ ފަތުރުވެރިކަމާއި މަސްވެރިކަމާއި، ދަނޑުވެރިކަމާއި، އެހެނިހެން ސިނާޢަތުތައް ކުރިއެރުވުމަށް ކައުންސިލުން ނިންމާފައިވާ ގޮތުގެ މަތިން އެހީތެރިވެދީ މަސައްކަތްކުރުން.

  11. އިދާރީ ދާއިރާގެ ތަރައްޤީގެ ޕުލޭނުގައި ހިމެނޭ ތަރައްޤީގެ މަޝްރޫޢުތަކުގެ ތެރެއިން ވަކި ރަށުކައުންސިލަކާ ޙަވާލުނުކޮށް ހުންނަ މަޝްރޫޢުތައް ހިންގުން.

  12. ރަށްރަށުގެ މަގާއި ބަނދަރު ހެދުމާއި، މަރާމާތުކުރުމަށް ކުރަންޖެހޭ މަސައްކަތްތައް ބެލެހެއްޓުން.

  13. ޤުދްރަތީގޮތުން ދިމާވާ ކާރިޘާގައި ގެއްލުން ލިބޭ ތަންތަން މަރާމާތުކުރުމާބެހޭ ކަންތައްތައް ހަމަޖެއްސުމަށް ކުރަންޖެހޭ މަސައްކަތް ކުރުން.

  14. ބޯފެނަށް ޖެހޭ ރަށްރަށަށް ފެން ފޯރުކޮށްދިނުމަށްޓަކައި ކުރަންޖެހޭ އެންމެހައި މަސައްކަތް ކަމާގުޅޭ އިދާރާތަކާގުޅިގެން ހަމަޖެއްސުން.  

  15. ރަށްރަށަށް ދިމާވާ ތަފާތު ކާރިޘާތަކާގުޅިގެން މެދުކެނޑޭ އެންމެހައި ޚިދުމަތްތައް އަލުން ފޯރުކޮށްދިނުމަށްޓަކައި ކުރަންޖެހޭ އެންމެހައި މަސައްކަތް ކުރުން.

  16. ރަށްރަށުގެ ރައްޔިތުންނަށް ބޯހިޔާވަހިކަން ހޯދައިދިނުމަށް ކުރަންޖެހޭ މަސައްކަތްތައް ކައުންސިލުން ނިންމާގޮތެއްގެ މަތިން ހަމަޖެއްސުމަށް ކުރަންޖެހޭ އިދާރީ މަސައްކަތް ކުރުން.

  17. އެއްގަމާއި ކަނޑުގެ ލައިސަންސް ދޫކުރުމާއި އޮޑިދޯނިފަހަރުގެ ރަޖިސްޓަރީ އާއި ރޯޑުވާދިނަސް، އޮޑީ ނަންބަރު އަދި ސަރވޭކުރުމުގެ މަސައްކަތް ހިނގާނުހިނގާގޮތް ބެލެހެއްޓުމާއި އިސްލާޙު ކުރަންޖެހޭ ކަންކަން އިސްލާޙު ކުރުމާއި އެކަންކަން ކައުންސިލްގެ ރައީސްގެ ސަމާލުކަމަށް ގެނައުން.

  18. ރަށްރަށުގެ ތިމާވެއްޓަށް ލިބޭ ގެއްލުންތައް ދިރާސާކޮށް ކަމާބެހޭ އިދާރާތަކަށް ރިޕޯޓު ފޮނުވުން.

  19. ރަށްރަށުގެ ކުނި ނައްތާލުމާގުޅޭ ކަންތައްތަކާއި ރަށްރަށުގެ ގިރާ ސަރަޙައްދުތައް ޙިމާޔަތްކުރުމަށް ކުރަންޖެހޭ އެންމެހައި ކަންކަން ކަމާގުޅޭ އިދާރާތައް މެދުވެރިކޮށް ރަށުކައުންސިލްތަކަށް ކުރެވޭނެ މަގު ތަނަވަސް ކޮށްދިނުން.

  20. މީގެ އިތުރުންވެސް އޮފީހުގެ ރަސްމީ މަސައްކަތާގުޅިގެން ކުރަންޖެހޭ އެންމެހައި މަސައްކަތް ކުރުން.

މި އިޢުލާނާގުޅިގެން މަޢުލޫމާތު ސާފުކުރެއްވުމަށް ގުޅުއްވާނީ މިއިދާރާގެ ނަންބަރު: 6500002، 6500068 ފޯނަށެވެ. ފެކްސް ނަންބަރަކީ 6500063 އެވެ. އީމެއިލް ކުރައްވާނީ  [email protected]) ) އެޑްރެހަށެވެ. އަދި މިއިދާރާގެ ނަންބަރު: (IUL) 225-AHRI/225/2014/41 (2 ޑިސެންބަރު 2014) ގެ އިޢުލާނު ބާޠިލު ކުރެވިފައިވާތީ ދަންނަވަމެވެ.

7 ރަބީޢުލްއައްވަލް 1436