ދިވެހިރާއްޖެ
ސާފު ބޯފެން ފޯރުކޮށްދިނުމުގެ ސިޔާސަތުގެ ދަށުން ސަރުކާރުގެ ފަރާތުން މިރަށުގައި ފެނުގެ ނިޒާމް ޤާއިމުކުރުމުގެ ޢަމަލީ މަސައްކަތް ވަނީ ފަށާފައެވެ. މި މަޝްރޫޢުގެ ދަށުން ފެނުގެ ކަނެކްޝަން ގޭގެއަށް ގުޅައިދިނުމަށް ހަމަޖެހިފައިވާއިރު ، ޚިދުމަތަށް އެދި ގޭގެ ވެރިފަރާތުން އެޕްލިކޭޝަން ފޯމު ހުށަހަޅަންޖެހޭނެއެވެ. އިސްވެ ދެންވުނު ޚިދުމަތަށް އެދި ހުށަހަޅާ ފޯމު ކައުންސިލްގެ އިދާރާއިން ލިބެން ހުންނާނޭ ވާހަކަ ދަންނަވަމެވެ. ފޯމާއިއެކު ހުށަހަޅަންޖެހޭ ލިޔެކިޔުންތަކުގެ މަޢުލޫމާތު ތިރީގައި އެވަނީއެވެ.
- ދިރިއުޅުމަށް ޢިމާރާތްކުރެވިފައިވާ ގެދޮރު، ވިޔަފާރި، ކެފޭ / ރެސްޓޯރެންޓް ފަދަ ޢިމާރާތެއް / މަސައްކަތު ސައިޓެއްނަމަ، ރަޖިސްޓްރީގެ ކޮޕީ
- ވެރިފަރާތުގެ އައިޑީކާޑުގެ ކޮޕީ
- އިމާރާތް / ގޯއްޗަށް ކަނެކްޝަން ގުޅުމަށް ބޭނުންވާ ގޮތުގެ ޗާރޓް
ފެނުގެ ކަނެކްޝަނަށް އެދި ފޯމު ހުށަހެޅުމުގެ ފުރުޞަތު މިއަދުން ފެށިގެން 31 ޖެނުއަރީގެ ނިޔަލަށް ހުޅުވައިލައިފީމެވެ. ފޯމު ބަލައިގަންނާނީ ރަސްމީ ބަދު ނޫން ކޮންމެ ދުވަހަކު 08:30 އިން 13:30އަށް، ކައުންސިލް އިދާރާއިންނެވެ.
މިހެންވެ މިކަން ޢާއްމުކޮށް އެންގުމަށްޓަކާ އިޢުލާން ކުރީމެވެ.
