ތިލަދުންމަތީ ދެކުނުބުރީ ހަނިމާދޫ ކައުންސިލްގެ އިދާރާ
ދިވެހިރާއްޖެ
ދިވެހިރާއްޖެ
ހަނިމާދޫ ރައްޔިތުންނަށް ދޫކުރުމަށް ހަމަޖެހިފައިވާ 200 ގޯތީގެ ގުރުއަތު ނެގުން
ނަންބަރ: (IUL)258/258/2023/2
އިޢުލާން
ހަނިމާދޫ ރައްޔިތުންނަށް ދޫކުރުމަށް ހަމަޖެހިފައިވާ 200 ގޯތީގެ ގުރުއަތު ނެގުން.
ހަނިމާދޫއިން ބަންޑާރަ ގޯތި ދޫކުރުމަށް ކުރި މިކައުންސިލްގެ ނަބަރު: (IUL)258/258/2022/13 (17 ފެބުރުއަރީ 2022) ޢިޢުލާނާއި ޙަވާލާދީ ދަންވަމެވެ.
ބަންޑާރަގޯތި ލިބޭ 200 ފަރާތުގެ މެދުގައި ގޯތި ނަންބަރު ކަނޑައެޅުމަށް ބޭއްވުމަށް ހަމަޖެހިފައިވާ ގުރުއަތުލުން 16 ޖަނަވަރީ 2023 ވާ ހޯމަ ދުވަހުގެ ރޭ 20:30 ގައި ހަނިމާދޫ އިޖްތިމާޢީ މަރުކަޒުގައި އޮންނާނެއެވެ.
- ގުރުނަގަމުން ގެންދާނީ ކައުންސިލުން ޢާއްމުކޮށްފައިވާ "ހަނިމާދޫއިން ގޯތިލިބޭ ފަރާތްތަކުގެ ދާއިމީ ލިސްޓްގެ" ތަރުތީބުން ކޮންމެ ގޯއްޗަކަށް ދެވިފައިވާ ނަންބަރު ލިޔެފައިވާ ކަރުދާސްތައް އެކަމަށް ޚާއްސަ ކުރެވިފައިވާ އެއްޗަކަށް އެޅުމަށްފަހު ނެގޭ އެއްގަނޑުކޮޅުންނެވެ.
- ގުރުގައި ބައިވެރިވުމަށް ވަޑައިގަންނަވާއިރު އައިޑީކާޑު ނުވަތަ ކާކުކަން އަންގައިދޭ ރަސްމީ ލިޔުމެއް ގެންނަވާނެއެވެ.
- ބަދަލުގައި މީހަކު ފޮނުވާނަމަ ބަދަލުގައި ފޮނުވި ފަރާތެއްކަން އެނގޭނެ ސިޓީއަކާއި ފޮނުވާ ފަރާތުގެ އައިޑީ ކާޑުގެ އަސްލު ގެންނަންވާނެއެވެ.
- ގުރުނަގަން ޙާޒިރުނުވާ ފަރާތްތަކުގެ ގުރުނަގާނީ އެންމެ ފަހުންނެވެ. އަދި މިގުރުތަށް ނަގާނީ ވިލަރެސް ކޮމެޓީން ކަނޑައަޅާ ފަރާތެކެވެ.
ވީމާ، މިކަން އާއްމުކޮށް އެންގުމަށްޓަކައި އިޢުލާން ކުރީމެވެ.
13 ޖުމާދަލްއާޚިރާ 1444
05 ޖަނަވަރީ 2023
05 ޖަނަވަރީ 2023
ހޯދާ