މިކުންފުނީގެ ތިލަފުށި ސައިޓު (އިންޖިނިއަރިންގ އެންޑް ޑޮކިންގ ޑިވިޜަން)  ގައިހުރި 05 ވަރަކަށް ޓަނުގެ ބައުދަނގަޑުތަކެއް ޙާއްސަ ނީލަމުގައި ވިއްކާލުމަށް ވަނީ ނިންމާފައެވެ. އަދި ތިރީގައި ބަޔާންކުރެވިފައި އެވަނީ މިނީލަމުގެ ތަފްޞީލް ތަކެވެ.

1-     ނީލަން ކިއުން އޮންނާނީ 1 ޑިސެމްބަރ 2022 ވާ ބުރާސްފަތި ދުވަހު މެންދުރު ފަހު 14:00 ގައި އެމް.ޓީ.ސީ.ސީ ޓްރޭޑިންގ ޑިވިޜަން، ( ހެންވޭރު ސޯމިލް، ބޮޑުތަކުރުފާނު މަގު ) ގައެވެ.

2-     މިތަކެތި ބައްލަވައިގަންނަވަން ބޭނުންވެލައްވާ ފަރާތްތަކުން 29 ނޮވެމްބަރ 2022 ވާ އަންގާރަ ދުވަހުގެ ހެނދުނު 09:00 އިން 10:00 އަށް އެމް.ޓީ.ސީ.ސީ ޓްރޭޑިންގ ޑިވިޜަނަށް ވަޑައިގެން ނަންނޯޓް ކުރެއްވުންއެދެމެވެ.

3-      މިތަކެތި ބައްލަވަން ބޭނުންވެލައްވާ ފަރާތްތަކުން 29 ނޮވެމްބަރ 2022  ވާ އަންގާރަ ދުވަހު ހެނދުނު 10:30 އިން 12:00 އަށް އެމް.ޓީ.ސީ.ސީ ތިލަފުށިސައިޓަށް ވަޑައިގަތުމުން މިތަކެތި ބެލޭނެ އިންތިޒާމް ހަމަޖެހިފައިވާ ކަމުގައި ދަންނަވަމެވެ.

4-     މި ނީލަމުގައި ބައިވެރިވެވޭނީ ރަޖިސްޓްރޭޝަން ފުރިހަމަކޮށް އަދި ޙާއްސަ ނީލަމުގެ އިޢުލާނުގައިވާ ކަންތައްތަކަށް އިޤުރާރުވާ ފަރާތްތަކަށެވެ.

5-     މި ނީލަމުގައި ބައިވެރިވުމަށް އެދޭ ފަރާތްތަކުން ސެކިއުރިޓީ ޑިޕޮސިޓް -/15000ރ (ފަނަރަހާސް ރުފިޔާ) އެމް.ޓީ.ސީ.ސީގެ ބެންކް އެކައުންޓް ނަންބަރ  003-100668-7701 އަށް 30 ނޮވެމްބަރ 2022 ވާ ބުދަ  ދުވަހުގެ ހެނދުނު 9:00 އާއި 11:00 އާއި ދެމެދު ޖަމާކުރަން ވާނެއެވެ. އަދި 11:00 ގެ ފަހުން ފައިސާ ބަލައި ނުގަނެވޭނެ ކަމުގައި ދަންނަވަމެވެ.

6-     ނީލަން ކިޔާނީ ހާޟިރީންގެ ކުރިމަތީގައި އަނގަބަހުންނެވެ. އަދި ނީލަން އިތުރުކުރުމަށް ހުށަހަޅާނީވެސް ހާޟިރީނަށް އަޑުއިވޭވަރަށް އަނގަބަހުން ނެވެ.

7-     ނީލަން ފެށޭނީ ޓަނަކަށް -/3000ރ ( ތިންހާސް ރުފިޔާގެ )  ރޭޓުންނެވެ.

8-     ނީލަމަށް އިތުރުކުރެވޭނީ ފަހަރަކު -/1000ރ (އެއްހާސް ރުފިޔާ) އަށް ވުރެ ކުޑަނޫން އަދަދެކެވެ.

9-     ނީލަން ކިޔުން ނިމޭތާ 24 ގަޑި އިރުތެރޭ ނީލަން ކާމިޔާބުކުރި ފަރާތުން ފައިސާ ދައްކަންވާނެވެ.      

10-    ނީލަންނިމޭތާ 48 ގަޑި އިރުތެރޭގައި ބައުދަގަނޑުތަށް އެތަނުންގެންގޮސް ނިންމަންވާނެއެވެ.

11-    5 ޓަނަށް ވުރެ އިތުރު ވާނަމަ،އިތުރު ވާނެކަމަށް ލަފާކުރާ ޓަނުގެ އަދަދަށް، ނީލަން ނިމުނު އަގު ޓަނަށް ބަހާލުމުން ޓަނަކަށް ޖެހޭ ރޭޓުން އެޑްވާންސްކޮށް ފައިސާނެގޭނެއެވެ. އަދި 5 ޓަނަށް ވުރެ މަދުވާނަމަ، ނީލަން ނިމުނު އަގު ޓަނަށް ބަހާލުމުން ޓަނަކަށް ޖެހޭ ރޭޓުން ރީފަންޑް ޕްރޮސެސް ކޮށްދެވޭނެއެވެ.

12-    މިނީލަމާގުޅޭ ގޮތުން އިތުރު މަޢުލޫމާތު ސާފްކުރެއްވުމަށް 1650 އަށް ގުޅުއްވުމަށް އެދެމެވެ.