ލީގަލް ސަރވިސް ފޯރުކޮށްދޭނެ ފަރާތެއް ހޯދުން:

ކޮންޓްރްކްޓް އުޞޫލުން މީލާދީ 1 އަހަރު ދުވަހުގެ މުއްދަތައް ކައުންސިލުން ދީފައިވާ މަޢުލޫމާތާއި އެއްގޮތަށް ލީގަލް ސަރވިސް ފޯރު ކޮށްދޭނެ ފަރާތެއް ހޯދަން ބޭނުންވެއެވެ.

ކައުންސިލަށް ފޯރުކޮށްދޭންޖެހޭ ޚިދުމަތްތައް:

• ކައުންސިލުން ކޯޓުތަކާއި، ޓްރަބިނުނަލްތަކަށް ހުށަހަޅާ މައްސަލަތަކުގައި ކައުންސިލް ތަމްޘީލް ކުރުމަށް ޝަރީއަތުގެ މަޖިލިސްތަކަށް ހާޟިރުވުމާއި، ޝަރީއަތާއި ގުޅިގެން ހުށަހަޅަންޖެހޭ ލިޔުންތައް ތައްޔާރުކޮށް ހުށަހެޅުން.
• ކައުންސިލްގެ މައްޗަށް ދަޢުވާކޮށް ކޯޓުތަކާއި ޓްރަބިނުނަލްތަކަށް ހުށަހަޅާ މައްސަލަތަކުގައި ކައުންސިލް ތަމްޘީލް ކުރުމަށް ޝަރީއަތުގެ މަޖިލިސްތަކަށް ހާޟިރުވުމާއި، ޝަރީއަތާއި ގުޅިގެން ހުށަހަޅަންޖެހޭ ލިޔުންތައް ތައްޔާރުކޮށް ހުށަހެޅުން.
• ކައުންސިލުން އެކުލަވާލަންޖެހޭ އެއްބަސްވުންތައް އެކުލަވާލުމާއި، ކައުންސިލާއި، އެހެނިހެން ފަރާތްތަކާއިކުވާ އެއްބަސްވުންތަކަށް ޤާނޫނީ ލަފާ ދިނުން.
• ކައުންސިލަށް އެކިއެކި ޤާނޫނީ ކަންކަމާއި ގުޅޭގޮތުން ލަފާ ދިނުން.

ވީމާ، މި ޚިދުމަތް ދިނުމަށް ޝަޢުޤުވެރިވެލައްވާ ފަރާތްތަކުން 31 އޮކްޓޯބަރ 2022 ވަނަ ދުވަހުގެ 14:00 ގެ ކުރިން ކައުންސިލްގެ އީމެއިލް [email protected]  އަށް ޕްރޮޕޯސަލާއި، މަޢުލޫމާތު ޝީޓްގައި ބަޔާން ކޮށްފައިވާ ތަކެތި ފޮނުއްވުން އެދެމެވެ.

މި ޚިދުމަތް ދިނުމަށް ޝަޢުޤުވެރިވެލައްވާ ފަރާތްތަކަށް ދޭ މަޢުލޫމާތުގެ ޝީޓް މިއިޢުލާނާއި އެއްއުރަ ކުރެވިފައިވާނެއެވެ.