ސޯލާ ހަޓުން ރެސްޓޯރަންޓަށް ކުއްޔަށް ދޫކުރުން

އޮޅުވެލިފުށި ކުޑަކުދިންގެ ޕާކުގެ ހުޅަނގު ގައިވާ ސޯލާހަޓުން ( ރެސްޓޯރާންޓް ހިންގުމަށް ޚާއްޞަކުރެވިފައިވާ ބައި )  ކުއްޔަށް ދޫކުރުމަށް ހުޅުވާލަމެވެ.

ބިމުގެ މަޢުލޫމާތު:-

1-      މި ބީލަން ހުޅުވާލެވިފައިމިވަނީ، ވިޔަފާރި ރަޖިސްޓްރީ ކުރުމުގެ ޤާނޫނު (ޤާނޫނު ނަންބަރ: 18/2014) ގެ އަދި އަމިއްލަ ފަރުދުންގެ ވިޔަފާރީގެ ދަށުން ވިޔަފާރި ރަޖިސްޓްރީ ކުރެވިފައިވާ ފަރާތްތަކަށެވެ.

2-      ބީލަމުގައި ބައިވެރިވުމަށް ރަޖިސްޓްރީކުރުން އޮންނާނީ، 17 އޮކްޓޯބަރ 2022 ން ފެށިގެން 25 އޮކްޓޯބަރ  2022 ގެ ނިޔަލަށެވެ. ރަޖިސްޓުރީކުރެއްވުމަށް   ބަންދުނޫން ކޮންމެ ދުވަހަކު09:00  އިން 13:00 އަށް މިއިދާރާގެ ކައުންޓަރަށް ވަޑައިގެން ރަޖިސްޓަރ ވެވޭނެއެވެ. އަދި އޮންލައިންގެ ޒަރިއްޔާއިން ކައުންސިލްގެ މެއިލް އެޑްރެސް:[email protected] އަދި ކައުންސިލްގެ ވައިބަރ ނަންބަރ: 9662107 އަށް ( ރަޖިސްޓްރީވާ ފަރާތުގެ ނަން ، ގުޅޭނެ ނަންބަރު، އީމެއިލް އެޑްރެސް އަދި ހުށަހަޅާ ފަރާތުގެ ނަމާއިއެކު ) ރަޖިސްޓްރީވުމަށް ފޮނުވިދާނެއެވެ.

ބީލާމުގައި ރަޖިސްޓަރ ވާ ފަރާތްތަކަށް ބޭއްވޭ މަޢުލޫމަތު ދިނުމުގެ ބައްދަލުވުމެށް 26 އޮކްޓޯބަރ 2022 ވަނަ ދުވަހު 11:00 ކައުންސިލް އިދާރާގައި އޮންނާނެއެވެ.

3-      ބީލަމުގައި ބައިވެރިވެވޭނީ ބީލަން ހުށަހެޅުމުގެ މުއްދަތުގައި ރަޖިސްޓްރީކުރާ ފަރާތްތަކަށް އެކަންޏެވެ. ބީލަންތައް ހުންނަންވާނީ ސިޓީއުރައެއްގައި ބަންދުކުރެވިފައެވެ.

ބޭރުގައި ބީލަމަށް ދެވިފައިވާ ނަން، އަދި ބީލަން ހުށަހަޅާ ފަރާތުގެ ނަން ލިޔެވިފައި އޮންނަންވާނެއެވެ.

ބީލަން ހުށަހެޅުން

ޕްރޮޕޯޒަލާއެކު ހުށަހަޅަންޖެހޭ ލިޔުންތައް

ބިން ކުއްޔަށް ހިފުމަށް އެދޭފޯމް

ބިން ކުއްޔަށް ހިފުމަށް އެދި ތައްޔާރުކޮށްފައިވާ ޕްރޮޕޯޒަލް ( ބޭނުންފުޅު ކަމުގަވާނަމަ)   

ކުންފުއްޏަކުން ނުވަތަ ލޯކަލް އިންވެސްޓުމެންޓަކުން ހުށަހަޅާނަމަ ކުންފުނީގެ ނުވަތަ ލޯކަލް އިންވެސްޓުމެންޓުގެ ރަޖިސްޓަރީގެ ކޮޕީއާއި، އަހަރީ ފީ ދައްކާފައިވާ ރަސީދުގެ ކޮޕީ، ހުށަހަޅަންވާނެއެވެ.

މި އިޢުލާނާ އެކު މަޢުލޫމާތު ކަރުދާސް ހީރަސްކުރެވިފައިވާނެއެވެ.