މި ކައުންސިލް އިން ތަރައްޤީކުރުމަށް ހަމަޖެހިފައިވާ އައުޓް ޑޯރ ވޮލީކޯޓްގެ މަސައްކަތް ކުރުމަށްބޭނުންވާ ތިރީގައި މިދަންނަވާ ތަކެތި މި ކައުންސިލަށް ސްޕްލައިކޮށްދޭނެ ފަރާތެއް ހޯދަންބޭނުންވެއްޖެއެވެ.

1. ވޮލީ ކޯޓް ޓަރފް އަދި ޓަރފް ޖޮއިންޓްކުރުމަށް ބޭނުންވާ އެހެނިހެންތަކެތި
2. ފައިން ސޭންޑް
3. ރަބަރު ގްރެނުއެލްސް
4. ލައިޓް ޕޯސްޓް އަދި ލައިޓް
5. އައުޓްޑޯރ ވޮލީ ޕޯސްޓް އަދި ވޮލީ ނެޓް
6. ސޭފްޓީޕެޑްސް (ރެފްރީ ސްޓޭންޑް އަދި ވޮލީނެޓް ޕޯސްޓްގައި ހަރުކުރާ)
7. އައުޓްޑޯރ ޕްލޭޔަރސް ބެންޗް އަދި ރެފްރީ ސްޓޭންޑް

       މަތީގައި ދެންނެވިފައިވާ ތަކެތީގެ އިތުރު ތަފްސީލް ޑްރޯވިންސް ތަކާއި މި އިޢުލާނާއެކު އެޓޭޗްކުރެވިފައިވާ އެހެނިހެން ޑޮކިއުމަންޓްސްތަކުގައި ހިމެނިފައިވާނެއެވެ.

މި ތަކެތި ސަޕްލައިކޮށްދިނުމަށް އެދި ނުވަތަ ބިޑް ހުށަހެޅުއްވޭނީ އެންމެ ކުދި، ކުދި އަދި މެދުފަންތީގެ ދިވެހި ވިޔަފާރިތަކަށް އެކަނިކަމުގައިވެސް ދަންނަވަމެވެ.

މިތަކެތި ސްޕްލައިކޮށްދިނުމަށް ޝައުޤުވެރިވެލައްވާ ފަރާތްތަކުން 24 އޭޕްރީލް 2022 ވާ އާދީއްތަ ދުވަހުގެ 11:00 ގެ ކުރިން މި ބިޑްގައި ބައިވެރިވުމަށް ރަޖިސްޓަރކުރުމަށް ހުޅުވާލަމެވެ. މި މުއްދަތުގައި ބިޑްގައި ރަޖިސްޓަރވުމަށްއެދި މި ކައުންސިލަށް  ހުށަޅުއްވާފައިނުވާ ފަރާތްތަކުގެ ބިޑް ބަލައިނުގަނެވޭނެކަމުގައި ދަންނަވަމެވެ.

ހުށަހަޅާ ބިޑްތައް ބަލައިގަތުމާއި ކެނޑުން އޮންނާނީ މިކަމަށް އެދި ބިޑް ހުށަހަޅުއްވާ ހުރިހާ ފަރާތެއްގެ ޙާޟިރުގައި  28 އޭޕްރީލް 2022 ބުރާސްފަތި ދުވަހު 13:00 ގައެވެ.

މި އިޢުލާނާއި ގުޅިގެން އިތުރު މަޢުލޫމާތު ސާފުކުރެއްވުމަށް 9650005/7992129 އަށް ގުޅައިގެން ނުވަތަ  [email protected]   އަށް މެއިލް ކުރައްވައިގެން މަޢުލޫމާތު ސާފުކުރެވޭނެ ވާހަކަ ދަންނަވަމެވެ.

މިހެންވެ މިކަން އާންމުކޮށް އެންގުމަށްޓަކައި އިޢުޅާން ކުރީމެވެ.