ނަރުދަމާ އާއި ފެނުގެ ހިދުމަތް ގޭގެއަށާއި އިންސްޓިޓިއުޓްތަކަށް (ރަށުގައިހުރި ދައުލަތުގެ މުއައްސަސާތަކަށް) ގުޅައި ދިނުމަށް އެދޭ ފޯމް 24 އޮގަސްޓް 2021 އިން ފެށިގެން 23 ސެޕްޓެމްބަރު 2021 ދުވަހުގެ 14:00 ގެ ނިޔަލަށް ފުރިހަމަ ކުރުމަށްފަހު މިކައުންސިލްގެ އިދާރާ އަށް ހުށަހެޅުމަށް ފުރުޞަތު ހުޅުވާލަމެވެ.

ނަރުދަމާ އާއި ފެނުގެ ހިދުމަތް ގޭގެއަށް ގުޅައި ދިނުމަށް ހަމަޖެހިފައިވަނީ ތިރީގައި ބަޔާންކުރެވިފައިވާ ޝަރުތުތައް ފުރިހަމަވާ ގޯތި ތަކަށެވެ.

-          ރާނާ ހިޔާކޮށްފައިވާ ގެއެއް ހުރި ކޮންމެ ގޯއްޗެއް

-          އިމާރާތް ކުރުމަށް ފައުންޑޭޝަން އަޅާ މަސައްކަތް ފަށާފައިވާ ކޮންމެ ގޯއްޗެއް

-          ދައުލަތުގެ މުއައްސަސާ ތަށް

-          ކްލަބް ޖަމިއްޔާގެތަކުގެ އިމާރާތްތައް

"ފެނުގެ ހިދުމަތަށް ނުވަތަ ނަރުދަމާގެ ހިދުމަތަށް އެދޭ ފޯމް" ރަސްމީ ބަންދު ނޫން ކޮންމެ ދުވަހަކު 8:30 އިން 14:00 އަށް މިކައުންސިލްގެ އިދާރާއިން ލިބެން ހުންނާނެއެވެ.  

ވީމާ، ނަރުދަމާގެ ހިދުމަތާއި ފެނުގެ ހިދުމަތް ގޭގެ އަށް ގުޅުމަށް އެދިލައްވާ ފަރާތްތަކުން 23 ސެޕްޓެމްބަރު 2021 ދުވަހުގެ 14:00 ގެ ކުރިން، "ފެނުގެ ހިދުމަތަށް ނުވަތަ ނަރުދަމާގެ ހިދުމަތަށް އެދޭ ފޯމް" ފުރިހަމަ ކުރެއްވުމަށްފަހު މިކައުންސިލްގެ އިދާރާ އަށް ހުށަހެޅުއްވުމަށް އާންމުކޮށް އަންގާ އިއުލާންކުރީމެވެ.