ގދ.ހޯނޑެއްދޫ އިން ގޯތި ދޫކުރުމަށް އެކުލަވާލެވޭ ކޮމެޓީއަށް މެމްބަރުން ހޯދުމަށްޓަކައި ކުރެވުނު މިއިދާރާގެ ނަންބަރ (IUL)417-ESMS/417/2021/42 (14 ޖޫން 2021) އިޢުލާނާއި ގުޅިގެން މެމްބަރުން ލިބިފައިނުވާތީ އަލުން ގޯތި ކޮމެޓީއަށް މެމްބަރުން ހޯދުމަށް ބޭނުންވެއެވެ.

ވުމާއިއެކު، ގދ.ހޯނޑެއްދޫ އިން ގޯތި ދޫކުރުމަށްޓަކައި ކަމާއިބެހޭ އެންމެހައި އިދާރާތަކުން ނަގަންޖެހޭ ހުއްދަތައް ނަގައި މިހާރުވަނީ ނިމިފައިވާތީ، ގޯތި ދޫކުރުމަށްޓަކައި އެކުލަވާލަންޖެހޭ ގޯތި ކޮމެޓީ އެކުލަވާލެވިފައި ވީނަމަވެސް އެ ކޮމެޓީގައި ގޯއްޗަށް އެދިފައިވާ ފަރާތްތަކާއި ޢާއިލީގޮތުން ގާތްމީހުން ތިބުމާއިއެކު އެކަން ޙައްލުކޮށް ވީހާވެސް ދެފުށްފެންނަ ގޮތަކަށް ގޯތި ދޫކުރުމުގެ ކަންކަން ކުރިޔަށް ގެންދިޔުމަށް ކައުސިލުން ބޭނުންވާތީ، ގޯތި ދޫކުރުމަށް އެކުލަވާލެވުނު ކޮމެޓީ މުރާޖާކުރުމަށް ކައުންސިލުންވަނީ ނިންމާފައެވެ. އެގޮތުން އާންމުންގެ ތެރެއިން ތިރީގައި ދެންނެވިފައިވާ ޝަރުތުތައް ފުރިހަމަވާ 05 މެމްބަރަކު ގޯތި ކޮމެޓީ އަށް ނެގުމަށްވަނީ ހަމަޖެހިފައެވެ. އަދި ކޮމެޓީގެ މަސައްކަތް 01 މަސްދުވަހުން ނިންމަން އަމާޒުހިފައި ކޮމެޓީ އަށް އިޢުލާންކޮށްގެ ނަގާ 05 މެމްބަރުންނަށް އެލަވަންސް އެއްގެގޮތުން -/750ރ(ހަތްސަތޭކަ ފަންސާސް ރުފިޔާ) ދިނުމަށްވަނީ ހަމަޖެހިފައެވެ.

ވީމާ، މިކަމަށް ޝަޢުގުވެރިވާ ފަރާތްތަކުން 2021 އޮގަސްޓް 23 ވަނަ ދުވަހުގެ އޮފީސް ބަންދުވުމުގެ ކުރިން ސިޓީ އަކުން މިކައުންސިލަށް ހުށަހެޅުއްވުން އެދެމެވެ. ސިޓީ އާއިއެކު އެމީހެއްގެ ތަޢުލީމީ ސެޓްފިކެޓުތަކުގެ ކޮޕީ އާއި އައިޑެންޓިޓީ ކާޑުގެ ކޮޕީ ހުށަހެޅުއްވުން އެދެމެވެ.

މެމްބަރުކަމަށް އެދޭމީހާގެ ޝަރުތުތައް:

1. އުމުރުން 18 އަހަރު ފުރިފައިވާ ދިވެހި ރައްޔިތަކަށްވުން.
2. ހޯނޑެއްދޫ ކައުންސިލްގެ ނަންބަރ (IUL)417-ESMS/417/2019/74 (22 ސެޕްޓެމްބަރ 2019) އިޢުލާން އާއި ގުޅިގެން ގޯއްޗަށް އެދިފައިވާ ފަރާތެއް ކަމުގައި ނުވުން.
3. ގްރޭޑް 10 ނިންމާފައިވުން.
4. ހޯނޑެއްދޫ ކައުންސިލްގެ ނަންބަރ (IUL)417-ESMS/417/2019/74 (22 ސެޕްޓެމްބަރ 2019) އިޢުލާން އާއި ގުޅިގެން ގޯއްޗަށް އެދިފައިވާ ފަރާތެއްގެ އާޢިލީ ގާތް މީހެއްކަމުގައި ނުވުން. (އާއިލީ ގާތް މީހެއްކަމަށް ބުނެފައި އެވަނީ، މެމްބަރުކަމަށް އެދޭމީހަކު ކައިވެނިކޮށްގެން އުޅޭ މީހާއާއި، ދަރިންނާއި، އެއްބަނޑު މީހުންނާއި، އެއްބަފާ މީހުންނާއި، އެއްބަނޑު އެއްބަފާ މީހުންނާއި، މައިންބަފައިންނާއި، ދޮންދަރިންނާއި، މެމްބަރުކަމަށް އެދޭމީހާ ކައިވެނިކޮށްގެން އުޅޭ މީހާގެ އެއްބަނޑު މީހުންނާއި، އެއްބަފާ މީހުންނާއި، އެއްބަނޑު އެއްބަފާ މީހުންނާއި، އެމީހާގެ މައިންބަފައިންނަށެވެ.)

މިހެންވެ މިކަން އާންމުކޮށް އެންގުމަށްޓަކައި އިޢުލާންކުރީމެވެ.