ދިވެހިރާއްޖެ
ކޮވިޑްގެ ޕޮޒިޓިވް ކޭސްތައް ގިނަވުމުގެ ސަބަބުން 07 ދުވަހަށް ރަށްވެހިން ޢާންމުކޮށް ނިކުމެ އުޅުން މަނާކުރެވުނު މުއްދަތު މިއަދުން ފެށިގެން ނިމުމަކަށް ގެނެވުނު ވާހަކަ ދަންނަވަމެވެ. އެހެން ނަމަވެސް ، މިބަލި އެކުފަސޭހަވެ ، ބަލިން އަރައި ގަނެވެންދެން ، އެޗް . ޕީ . އޭ ގެ މިންގަނޑު ތަކާއެއްގޮތަށް އަމަލްތައް ބެހެއްޓެވުމަށް އިލްތިމާސްކުރަމެވެ.
ކޭސްތަށް މަދުވެ، ރެންޑަމް ސާންޕަލްތައް ނެގެޓިވް ވެފައިވުމާއެކު ރަށް މޮނިޓަރިންއިން ނެގުމުގެ މަސައްކަތް ކުރެވެމުންދާ ވާހަކަ ދަންނަވަމެވެ. އަދި މޮނިޓަރިންއިން ނެގުނުހާ އަވަހަކަށް ކުޅިވަރު ކުޅުމުގެ ފުރުޞަތުތައް ، އިހެކޭވެސް އެއްގޮތަށް ލިބިގެންދާނެ ވާހަކަވެސް ދަންނަވަމެވެ.
ކޮވިޑްގެ މިޙައްސާސް ދަނޑިވަޅުގައި ، ރައްޔިތުންގެ ރައްކާތެރިކަމަށް މިޢިދާރާއާއި އއ . ބޮޑުފޮޅުދޫ ހެލްތު ސެންޓަރ ގުޅިގެން ކުރެވޭ މަސައްކަތްތަކަށް ، ރައްޔިތުންގެ ފަރާތުން ލިބިގެންދާ ފުރިހަމަ އެއްބާރުލެއްވުމަކީ ، މިބަލިން މުޖުތަމަޢު ރައްކާތެރިކުރުމަށް ލިބިގެންދާ އެންމެ ބޮޑު ހިތްވަރެވެ. މިފުރުޞަތުގައި މިކަމަށްޓަކައި ބޮޑުފޮޅުދޫގެ ލޮބުވެތި ރައްޔިތުންނަށް ޝުކުރު އަދާކުރަމެވެ.
ރަށުގައި މަދުންނަމަވެސް ހުރި ޕޮޒިޓިވް ކޭސްތަކުން އަރައިގަނެ ، ޢާންމުހާލަތަށް މާޙައުލު ގެނެވެން އަންނަނީ އިތުރު ކަންކަމަށް ތިޔަ ފަރާތްތަކުގެ އެއްބާރުލެއްވުމާއި ސަމާލުކަން އިތުރުކޮށްދެއްވައި ، ވެދެއްވާ އެހީތެރި ކަމާއެކުއެވެ. އެގޮތުން ތިރީގައިވާ ކަންކަމަށް އިތުރަށް ސަމާލުކަން ދެއްވައި ، އެކަންކަން ކުރުމުން އެއްކިބައިވެ ދެއްވުން އެދި ދަންނަވަމެވެ.
- ޕޮޒިޓިވްވެ ރަނގަޅު ވެފައި ވީނަމަވެސް ، ޕޮޒިޓިވް ކޭސްތައް އުޅޭ ، އަމިއްލަ ގެނޫން ، ތަންތަނަށް ވަދެ ނޫޅުން.
- ޕޮޒިޓިވް ކޭސްތައް ހުރި ގޭގެތަކަށް ، ހުއްދަދެވިފައިވާ ފަރާތްތަކުން ނޫނީ ޒިޔާރަތް ނުކުރުން.
- ޕޮޒިޓިވްވެފައިވާ ފަރާތްތަކުން ، އިންފާރު ކައިރަށް އައުމާއި ، އިންފާރުމަތީއިށީންނުމާޢި ، ދޮރާށި ދޮށަށް ނިކުތުން ފަދަކަންކަން ނުކުރުން.
ވީމާ ، ދެންނެވިފައިވާ ކަންކަމަށް ސަލާލުކަން ދެއްވައި ، މިހާލަތުން އަރައިގަތުމަށް ފުރިހަމަ އެއްބާރުލުން ދެއްވުމަށް އިލްތިމާސްކުރަމެވެ.
މީގެ އިތުރުން ، ޕޮޒިޓިވެފއިވާ ފަރާތަކަށް ޒިޔާރަތްކޮށް ، ޒިޔާރަތްކުރި ފަރާތުގެ އިހުމާލަކުން އެފަދަ ފަރާތެއް ޕޮޒިޓިވްވެ ، ރަށްވެހިން ނުރައްކަލަށް ވެއްޓިއްޖެނަމަ ، އެމައްސަލަ ބަލައި ، އެފަރާތުގެ އިޙުމާލު އޮތްކަމަށް ސާބިތުވެއްޖެނަމަ ، އެޗް . ޕީ . އޭ ގެ މިންގަޑު ތަކާއެއްގޮތް ވާގޮތުގެ މަތިން އެފަދަ ފަރާތްތައް 10000.00 ރ ( ދިހަ ހާސްރުފިޔާ ) އިން ޖޫރިމަނާ ކުރާނެ ވާހަކަ އަންގާ އިއުލާނު ކުރަމެވެ.
07 ޖޫން 2021
