ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމެޓީގެ އިންތިޚާބު 2020 އާއި ގުޅިގެން ކޮމިޝަނުގެ އެކިއެކި މަސައްކަތްތަކަށް ބޭނުންވާ މުވައްޒަފުން ހޯދުމަށް

މަޤާމް:

އޮފިސަރ (ޖީ.އެސް 3)

ބޭނުންވާ ޢަދަދު:

50 (ފަންސާސް)

އަސާސީ މުސާރަ:

މަހަކު 4465.00 (ހަތަރުހާސް ހަތަރުސަތޭކަ ފަސްދޮޅަސް ފަސް ރުފިޔާ)

ސާރވިސް އެލަވަންސް:

މަހަކު 1500.00 (ފަނަރަ ސަތޭކަ ރުފިޔާ)

ދުވަހު އެލަވަންސް:

މަސައްކަތަށް ނުކުންނަ ކޮންމެ ދުވަހަކަށް 155.00 (ސަތޭކަ ފަންސާސް ފަސްރުފިޔާ)

އިތުރު ގަޑި ފައިސާ:

އިތުރު ގަޑީގައި ކުރާ މަސައްކަތަށް ކަނޑައެޅިފައިވާ އުޞޫލުން އިތުރު ގަޑީގެ ފައިސާ ދެވޭނެ

ވަޒީފާގެ ބާވަތް:

ކޮންޓްރެކްޓް

މަސައްކަތުގެ ވަގުތު:

އިލެކްޝަންސް ކޮމިޝަންގެ ރަސްމީގަޑި އާއި ނުރަސްމީ ގަޑީގައިވެސް މަސައްކަތް ކުރުން.

ފެންވަރު ނުވަތަ ޝަރުޠު:

1. ސާނަވީ ނުވަތަ އެ އާ އެއް ފެންވަރުގެ އިމްތިޙާނަކުން 2 މާއްދާއިން ދަށްވެގެން 'ޑީ' ގްރޭޑް ލި ބިފައި ވުމާއެކު، އޭގެ އިތުރުން 'ސެކެންޑަރީ ސްކޫލް' ނުވަތަ 'ހަޔަރ ސެކަންޑަރީ ސްކޫލް' ސެޓްފިކެޓް އިމްތިޙާނުގައި 'ދިވެހި' މި މާއްދާއިން ދަށްވެގެން 'ސީ' ގްރޭޑް ލިބިފައިވުން ނުވަތަ މިއަށްވުރެއް މަތީ ސަނަދެއް ހާސިލްކޮށްފައިވުން.

ނުވަތަ،

1. އޮފިސަރ ލެވެލް މަޤާމެއް ނުވަތަ އެއާ އެއަށްވުރެ މަތީ މަޤާމެއްގައި އުޅެ 1 އަހަރު ދުވަހުގެ ތަޖުރިބާ ލިބިފައިވުން.

އެހެނިހެން ޝަރުތު:

1. ޢުމުރުން 18 އަހަރު ފުރިފައިވުން.
2. މައިކްރޯސޮފްޓް އޮފީސް ޕްރޮގްރާމްތައް ބޭނުންކުރަން އެނގުން.
3. ދިވެހި އަދި އިނގިރޭސިބަހުން ފަރިތަކަމާއެކު މުޢާމަލާތުކުރަން އެނގުން.
4. ސިޔާސީ ޕާޓީއެއްގެ ރަޖިސްޓަރީގައި އެމީހެއްގެ ނަން ހިމެނިފައިވާނަމަ، ވަޒީފާއަށް ހޮވުމުން ޕާޓީން ވަކިވުން.
5. ސިޔާސީ/ސިޔާސީ ޕާޓީއެއްގެ ޙަރަކާތްތަކުގައި އިސްކޮށް ބައިވެރިވެއުޅޭ މީހަކުކަމުގައި ނުވުން.
6. މަޤާމް ގެ މަސްއޫލިއްޔަތު އަދާ ކުރުމުގެ ޤާބިލްކަން ހުރި މީހެއް ކަމަށް އިންޓަވިއު ޕެނަލަށް ސާބިތު ކޮށްދިނުން.

މަސްއޫލިއްޔަތު:

ލޯކަލް ކައުންސިލްތަކުގެ އިންތިޚާބާ ގުޅިގެން ކޮމިޝަނުން ޙަވާލުކުރާ މަސައްކަތްތައް ކުރުން:-

-           ލޯކަލް ކައުންސިލްތަކުގެ އިންތިޚާބަށް އެކުލަވާލެވޭ ވޯޓް ދިނުމުގެ ޙައްޤު ލިބިފައިވާ މީހުންގެ ރަޖިސްޓްރީއަށް ގެނެވޭ ބަދަލުތައް ރީޗެކްކުރުމުގެ މަސައްކަތާއި ޝަކުވާ ބަލައިގަތުމުގެ މަސައްކަތް ކުރުން.

-           ފައިނަލް ވޯޓާރސް ރަޖިސްޓްރީ އެކުލަވާލުމުގެ މަސައްކަތް ސެކްޝަނުން ކަނޑައަޅާ ގޮތެއްގެ މަތީން ކުރުން.

-           އިންތިޚާބުގައި ހަރަކާތްތެރިވާ އޮބްޒާވަރުން، މޮނީޓަރުން އަދި ކެންޑިޑޭޓުންގެ މަންދޫބުންނާއި ގުޅޭ މަސައްކަތްތައް ކުރުން.

-           އިންތިޚާބުތަކަށް ކުރިމަތިލާ ކެންޑިޑޭޓުންނަށް ފޯމު ދޫކުރުމާއި، ބަލައިގަތުމުގެ އެންމެހައި އިދާރީ މަސައްކަތް ކުރުން.

-           ލޯކަލް ކައުންސިލްތަކުގެ އިންތިޚާބުގެ ލޮޖިސްޓިކް މަސައްކަތްކުރުން.

-           އިންތިޚާބަށް ބޭނުންވާ ޓްރެއިނިންގ މެޓީރިއަލް ތައްޔާރުކުރުކުރުން.

-           ކޯލް ސެންޓަރ 1414 ގައި މަސައްކަތްކުރުން.

-           ޓްރެއިނަރުން ތަމްރީނު ކުރުމުގެ ޕްރޮގްރާމް އަދި މާލޭ އޮފިޝަލުން ތަމްރީނުކުރުމުގެ ޕްރޮގްރާމް ކުރިޔަށްދާ ޓްރެއިނިންގ ހޯލްތައް ތައްޔާރުކުރުމާއި ޓްރެއިނިންގ ހާޒިރީތައް ބެލެހެއްޓުން

-           އިންތިޚާބުގެ އެކިއެކި މަސައްކަތްތަކަށް މުވައްޒަފުންނާއި އޮފިޝަލުން ނެގުމުގެ މަސައްކަތް ކުރުން.

-           އިންތިޚާބަށް ކޮމިޝަނަށް ނަގާ ފޯކަލް ޕޮއިންޓުންނާއި ގުޅޭ މަސައްކަތް ކުރުން.

-           އިންތިޚާބަށް ހޯދަންޖެހޭ ތަކެއްޗާއި ޚިދުމަތްތައް ދައުލަތުގެ މާލިއްޔަތު ޤާނޫނާއި ޤަވާޢިދާއި، ބެސްޓް ޕްރެކްޓިސްއާ އެއްގޮތްވާ ގޮތުގެ މަތިން ހޯދައި ދިނުމަށް ކުރަންޖެހޭ އިދާރީ މަސައްކަތްތައް ކުރުން.

-           އިންތިޚާބުގެ ނަތީޖާ ޕްރޮސެސްކުރުމުގެ މަސައްކަތްކުރުން.

-           އިންތިޚާބުގެ އެކިއެކި މަސައްކަތަކަށް ނަގާ އޮފިޝަލުން، މުވައްޒަފުންގެ  މުސާރަ، އެލަވަންސް އަދި މުވައްޒަފުންނަށް ދޭންޖެހޭ އެހެނިހެން ފައިސާ ދިނުމުގެ ކަންތައްތައް ހަމަޖެއްސުން.

-           ސިޔާސީ ޕާޓީގެ މެންބަރޝިޕް ފޯމްތައް ޕްރޮސެސްކުރުން.

-           ކޮމިޝަންގެ އެކިއެކި ސެކްޝަން ތަކަށް އިދާރީގޮތުން ބޭނުންވާ ސަޕޯޓް ދިނުން.

-           މީގެ އިތުރުންވެސް ކޮމިޝަނުން އަންގާ ގޮތެއްގެ މަތިން އިންތިޙާބާއި ގުޅިގެން ކުރަން ޖެހޭ އެންމެހައި ކަންކަން ކުރުން.

ހުށަހަޅަންޖެހޭ ލިޔުންތައް:

1. ވަޒީފާއަށް އެދި ހުށަހަޅާ މަޢުލޫމާތު ފޯމު.
2. ވަޒީފާއަށް އެދޭ ފަރާތުގެ ވަނަވަރު، އައި.ޑީ ކާޑުގެ ކޮޕީ، ތަޢުލީމީ ސެޓްފިކެޓްތަކުގެ ފޮޓޯކޮޕީ (އަޞްލާ އެއްގޮތްކަމަށް ރަސްމީ ފަރާތަކުން ތައްގަނޑު ޖަހާފައިވާ)

-       ރާއްޖޭގައި ރަޖިސްޓްރީކޮށްގެން ހިންގާ މަތީތަޢުލީމުދޭ މަރުކަޒަކުން ކުރިޔަށް ގެންދާ ރާއްޖޭގެ ޕްރޮގްރާމްތަކުގެ ސެޓްފިކެޓާއި ޓްރާންސްކްރިޕްޓްގެ ކޮޕީ (މިފަދަ ސެޓްފިކެޓްތައް އެކްރެޑިޓް ކުރަން ނުޖެހޭނެ) ނުވަތަ ކޯސް ފުރިހަމަކުރިކަމުގެ ލިޔުމުގެ ކޮޕީ އާއި ޓްރާންސްކްރިޕްޓްގެ ކޮޕީ،

-       ރާއްޖޭގައި ރަޖިސްޓްރީކޮށްގެން ހިންގާ މަތީތަޢުލީމުދޭ މަރުކަޒަކުން ހިންގާ ރާއްޖެއިން ބޭރުގެ ޕްރޮގްރާމްތަކުގެ އެކްރެޑިޓްކޮށްފައިވާ ސެޓްފިކެޓުތަކާއި ރާއްޖެއިން ބޭރުގެ މަތީތަޢުލީމު ދޭ މަރުކަޒަކުން ހިންގާ ރާއްޖެއިން ބޭރުގެ ޕްރޮގްރާމްތަކުގެ އެކްރެޑިޓްކޮށްފައިވާ ސެޓްފިކެޓުތައް ނުވަތަ ކޯސް ފުރިހަމަކުރިކަމުގެ ލިޔުމާއެކު ކޯހުން ލިބޭ ސެޓްފިކެޓު ވަކި ފެންވަރެއްގައި އެކްރެޑިޓް ކުރެވޭނެކަމަށް މޯލްޑިވްސް ކޮލިފިކޭޝަން އޮތޯރިޓީން ދޫކުރައްވާފައިވާ ލިޔުމުގެ ކޮޕީ އާއި ޓްރާންސްކްރިޕްޓްގެ ކޮޕީ،

3. މަސައްކަތުގެ ތަޖުރިބާހުރިކަމުގެ ލިޔުން:

-       މަސައްކަތުގެ ތަޖުރިބާހުރި ލިޔުން ހުންނަންވާނީ މަސައްކަތްކުރި މުއްދަތާއި މަސައްކަތުގެ ތަފްޞީލް އެނގޭގޮތަށެވެ.

-       މިހާރު އަދާކުރަމުންދާ ވަޒީފާއެއްގެ ލިޔުން ހުށަހަޅާނަމަ އެލިޔުމަކީ ފަހުގެ ތާރީޚެއްގައި ދޫކޮށްފައިވާ ލިޔުމަކަށް ވާންވާނެއެވެ.

މަޤާމަށް އެދެންވީ ގޮތާއި ސުންގަޑި:         

މަޤާމަށް އެދި ހުށަހަޅަންޖެހޭ ތަކެތި ހުށަހަޅާނީ 15 މާރިޗު 2021 ވާ ހޯމަ ދުވަހުގެ 14:00ގެ ކުރިން، މިކޮމިޝަނުގެ އީމެއިލް އެޑްރެސް [email protected] އަށެވެ. އަދި ފޯމު ހުށަހަޅަމުންގެންދާ ވަރަކުން މި މަޤާމަށް ޝަރުޠު ހަމަވާ ފަރާތްތައް ނަގަމުން ގެންދާނެއެވެ.

އިތުރު މަޢުލޫމާތު:

-       2020 ވަނަ އަހަރު އިންތިޚާބުގެ މަސައްކަތްތަކަށް މިކޮމިޝަނުން ވަޒީފާ ދީފާއިވާ ފަރާތްތަކުގެ ތެރެއިން ކޮވިޑުގެ ހާލަތާ ގުޅިގެން ވަޒީފާއިން ވަކިކޮށްފައިވާ ފަރާތްތައް މި މަޤާމަށް ކުރިމަތިލާން ބޭނުންނަމަ، ވަޒީފާއަށް އެދޭ ފޯމާއި، ލިޔެކިޔުންތައް އަދި މިކޮމިޝަނުގެ ވަޒީފާއިން ވަކި ކުރެއްވި ޗިޓު ހުށަހެޅުމުން، އެ ފަރާތުގެ ކުރީގެ މަސައްކަތުގެ ރެކޯޑަށް ބެލުމަށްފަހު، އިންޓަރވިއުއަކާ ނުލައި މި މަޤާމަށް ނެގޭނެއެވެ.

- މިކޮމިޝަނުގެ ނަންބަރު IUL)38-AB/38/2021/2) (ޖަނަވަރީ , 7, 2021) އަދި IUL)38-AB/38/2021/20) ޖަނަވަރީ , 26, 2021) އިޢުލާނާ ގުޅިގެން އޮފިސަރގެ މަޤާމަށް ކުރިމަތިލުމަށް ލިޔެކިޔުންތައް ހުށަހަޅާފައިވާ ފަރާތްތަކުން އަލުން ކުރިމަތިލުމަށް ފޯމާއި ލިޔެކިޔުންތައް ހުށަހަޅުއްވާކަށް ނުޖެހޭނެއެވެ.

-       އިޢުލާނުގައިވާ ޢަދަދަށް ވުރެއް އިތުރަށް މުވައްޒަފުން ބޭނުންވެއްޖެ ހާލަތެއްގައި، ކުރިމަތިލާ ފަރާތްތަކުގެ ތެރެއިން ޝަރުޠު ހަމަވެ އިންޓަރވިއުކޮށް ނިމިފައިވާ ފަރާތްތަކުގެ ތެރެއިން، އެންމެ މަތިން މާރކްސް ލިބިފައިވާ ތަރުތީބުން މުވައްޒަފުން ނެގޭނެއެވެ.    

-       ފޯމު ބަލައިގަތުމަށްފަހު ސައްޙަ ނޫން މަޢުލޫމާތެއް ހިމެނިފައިވާކަން ނުވަތަ ޝަރުތު ހަމަނުވާކަމަށް ފާހަގަ ކުރެވިއްޖެނަމަ އެފޯމެއް ބާޠިލު ކުރެވޭނެ އެވެ.

-       މި މަޤާމަށް ކުރިމަތި ލުމުގެ މުއްދަތު ހަމަވުމުން، ކުރިމަތިލާ ފަރާތްތަކުގެ ތެރެއިން ފޯމު ހުށަހަޅާ ތަރުތީބުން ޝޯޓްލިސްޓުވާ ފަރާތްތަކާ،  އިންޓަރވިއުކޮށް މި މަޤާމަށް މީހުން މަސައްކަތައް ނެރެމުން ގެންދެވޭނެއެވެ.

-       އަދި ޝޯޓްލިސްޓުވާ ފަރާތްތަކުން، އިންޓަރވިއުއަށް ވަޑައިގަންނަވާއިރު ހުށަހަޅުއްވާފައިވާ ސެޓުފިކެޓުތަކުގެ އަޞްލު ގެންނަވަން ވާނެއެވެ.

-       މި މަޤާމަށް ހަމަޖެހޭ ފަރާތް، ވަޒީފާއަށް ނިކުތުމަށް އުޒުރުވެރިވާނަމަ، އިންޓަރވިއުކޮށްފައިވާ ފަރާތްތަކުގެ ތެރެއިން މާކްސް ތަރުތީބުން އެންމެ އެކަށީގެންވާ ފަރާތަށް ފުރުޞަތު ދެވޭނެއެވެ.

-       މި މަޤާމަށް އޮފިސަރުން ނެގުމުގައި އިންތިޚާބުގެ މަސައްކަތްތަކަށް ވަގުތު ދެވޭ މީހުންނަށް އިސްކަންދެވޭނެއެވެ.

-       ވަޒީފާއަށް އެދި ހުށަހަޅާ ފޯމު މިކޮމިޝަނުގެ ވެބްސައިޓް www.elections.gov.mv އިން ޑައުންލޯޑް ކުރެވޭނެއެވެ.

މާކްސް ދިނުމުގައި ބަލާނެ މިންގަނޑު

ބައިތައް

މާކްސް

ތަޢުލީމާއި ތަމްރީނު

40

މަސައްކަތުގެ ތަޖުރިބާ (އިންތިޚާބު)

5

މަސައްކަތުގެ ތަޖުރިބާ (އާންމު)

10

އިންޓަވިޔު

30

ޢަމަލީ ޓެސްޓު

15

ޖުމުލަ

100