ދިވެހިރާއްޖެ
އިޢުލާން
މީލާދީ އާ އަހަރު ފެށުން ފާހަގަ ކުރުމުގެ ގޮތުން 2021 ވަނަ އަހަރުގެ ޖެނުއަރީ މަހުގެ 01 ވާ ހުކުރު ދުވަހުގެ ހަވީރު 04:00 ން ރޭގަނޑު 08:00 ށް މާލޭ ސިޓީގެ މަގުތަކުގައި އިންޖީނުލީ އެއްގަމު އުޅަނދު ނުދުއްވާގޮތަށް ހަމަޖައްސައިފީމެވެ.
ވީމާ، 2021 ޖެނުއަރީ 1 ވާ ހުކުރު ދުވަހުގެ ހަވީރު 04:00 އިން ފެށިގެން ރޭގަނޑު 08:00 އާއި ދެމެދު އެއްގަމުގައި ދުއްވާ އިންޖީނުލީ އުޅަނދުތަކުގެ ތެރެއިން ތިރީގައި މިދަންނަވާ އުޅަނދުތައް ފިޔަވައި އެހެން އުޅަނދު މާލެ ސިޓީގައި ދުއްވުމަކީ "އެއްގަމު ދަތުރުފަތުރުގެ ޤާނޫނު" 2009/5 ގެ 5 ވަނަ މާއްދާގެ (ރ) ގެ ދަށުން މަނާކަމެއް ކަމުގައި ޢާއްމުކޮށް އަންގާ އިޢުލާން ކުރީމެވެ.
- ސަލާމަތީ ބާރުތަކުން ބޭނުންކުރާ އިންޖީނުލީ އެއްގަމު އުޅަނދު
- އެމްބިއުލަންސް
- ފުރާމީހުން ބޭނުންކުރުމަށް ހުއްދަދެވޭ އުޅަނދު
- ޚާއްޞަ އެހީއަށް ބޭނުންވާ މީހުން ދުއްވުމަށް ޚާއްޞަ ކުރެވިފައިވާ އުޅަނދު
- ޕަބްލިކް ޓްރާންސްޕޯޓްގެ ގޮތުގައި ދެމުންގެންދާ ބަހުގެ ޚިދުމަތް
- އެދުވަހުގެ އެގަޑީގައި ދުއްވުމުގެ ހުއްދަ ދެވޭ އުޅަނދު
މިއެންގުމާއި ޚިލާފްވާ ފަރާތްތައް "އެއްގަމު ދަތުރުފަތުރުގެ ޤާނޫނު" 2009/5 ގެ ދަށުން ފިޔަވަޅު އަޅާނެ ވާހަކަ އަންގާ އިޢުލާން ކުރީމެވެ.
15 ޖުމާދަލްއޫލާ 1442
30 ޑިސެމްބަރ 2020
ދިވެހިސަރުކާރުގެ ގެޒެޓް
