މަޤާމް:  ސްޕީޗް ތެރަޕިސްޓް

މަސައްކަތް ކުރަންޖެހޭ ތަން: ހުޅުމާލެ ހޮސްޕިޓަލް

ތަޢުލީމާ ތަޖުރިބާ:

1. ސްޕީޗް ތެރަޕީ ދާއިރާއިން ދިވެހިރާއްޖޭގެ ގައުމީ ސަނަދުތަކުގެ އޮނިގަނޑު ލެވެލް 7 ނުވަތަ 8 ގެ ސަނަދެއް ހާސިލްކޮށްފައިވުމާއެ ސްޕީޗް ތެރަޕީގެ ދާއިރާގައި މަދުވެގެން 2 އަހަރު ދުވަހުގެ މަސައްކަތުގެ ތަޖުރިބާ ލިބިފައިވުން.
2. ސްޕީޗް ތެރަޕީ ދާއިރާއިން ދިވެހިރާއްޖޭގެ ގައުމީ ސަނަދުތަކުގެ އޮނިގަނޑު ލެވެލް 9 އިން ފެށިގެން މަތީގެ ސަނަދެއް ހާސިލްކޮށްފައިވުން.

މުސާރައާއި އިނާޔަތް :

މުސާރަ:             7035.00 ރުފިޔާ

ސަރވިސް އެލަވަންސް:     2500.00 ރުފިޔާ

ރިސްކް އެލަވަންސް:       100.00 ރުފިޔާ (މަސައްކަތް ކުރާ ދުވަހަކަށް)

އެޓެންޑެންސް އެލަވަންސް:   106.00 ރުފިޔާ (މަސައްކަތްކުރާ ރަސްމީ ދުވަސްތަކަށް)

ކުރަންޖެހޭ މައިގަނޑު މަސައްކަތްތައް:

1- ވާހަކަދެއްކުމުގެ އުނދަގޫތައް ހުންނަ ފަރާތްތައް ބަލާ، ތަހުލީލުތައްކޮށް، ފަރުވާ ކުރިއަށް ދާނެގޮތް ދެނެގަނެ ފަރުވާ ކުރިއަށް ގެންދިއުން.

2- ކެއުން ބުއިމުގެ އުނދަގޫތައް ހުންނަ ފަރާތްތައް ބަލާ، ތަހުލީލުތައްކޮށް، ފަރުވާ ކުރިއަށް ދާނެގޮތް ދެނެގަނެ ފަރުވާ ކުރިއަށް ގެންދިއުން.

3- އަޑުއެހުމުގެ އުނދަގޫތައް ހުންނަ ފަރާތްތައް ތަހުލީލުތައްކޮށް އޭގެ ނަތީޖާއަށް ބަލާ އެ އުނދަގޫތައް ލުއިކުރުމަށް ބޭނުންކުރަންޖެހޭ އާލާތްތައް ދެނެގަނެ އެފަރާތްތަކަށް އެތަކެތި ބޭނުންކުރަން ބުނެދިނުން

4- ވާހަކަ ދެއްކުން/ ކެއުން ބުއިން/ އަޑު އެހުމުގެ އުނދަގޫތައް ހުރެގެން ފަރުވާ ކުރަމުންދާ ފަރާތްތަކުގެ ހާލަތަށް އަންނަ ބަދަލަށް ބަލައި، ދެމުންދާ ފަރުވާ / ބޭނުންކުރަމުންދާ އާލާތްތަކަށް ބަދަލުގެނައުން.

5- ބަލިމީހާގެ ހާލާތާއި ގުޅިގެން، އެހެނިހެން ކަމާބެހޭ ސްޕެޝަލިސްޓް (ސައިކޭޓްރިސްޓުން، އޮކިއުޕޭޝަނަލް ތެރަޕިސްޓުން، ސައިކޮލޮޖިސްޓުންފަދަ) ފަރާތްތަކުގެ ލަފާ ހޯދުމަށް ބަލިމީހާއަށް އިރުޝާދު ދިނުން

6- ބަލަމުންދާ ބަލިމީހުންނަށް ދިމާވާ ދަތިތައް ހައްލުކުރަން އުދަގޫވެއްޖެނަމަ ކަމާގުޅުންހުރި ފަރާތްތަކާއި މަޝްވަރާކޮށްގެން ހައްލުހޯދުން

7- މަސައްކަތާއި ގުޅޭ ރިޕޯޓްތައް، ބަލިމީހާގެ ކޭސް ފައިލްތައް ދުވަހުން ދުވަހަށް ފައިލްކޮށް ރަނގަޅަށް ބެލެހެއްޓުން.

8- ވެއިޓްލިސްޓް ދިގުވެގެންދާނަމަ، އެކަމަށް ހައްލުހޯދުމުގައި އިސްވެރިންނާއި މަޝްވަރާކޮށް ލަފާހޯދުން

9- ޑިޕާޓްމަންޓްގެ މަސައްކަތްތައް އިތުރަށް ހަރުދަނާކުރުމަށް ކުރެވިދާނެ ކަންތައްތައް ދެނެގަނެ، އެމަޢުލޫމާތުތައް އިސްކޮށް ތިއްބަވާ ބޭފުޅުންނާއި ހިއްސާކުރުން.

ކުރިމަތިލުމުގެ ސުންގަޑި: 04 ނޮވެންބަރު 2020 ވަނަ ދުވަހެގެ މެންދުރު 14:00 ގެ ކުރިން

މި މަޤާމަށް ޝަރުޠު ފުރިހަމަވާ ފަރާތްތަކުން، ތިރީގައިމިވާ ތަކެތި، ހުޅުމާލެ ހޮސްޕިޓަލުގެ އިދާރީ އޮފީސް (ލޮޓް ނަންބަރ E-01—04 އިރުދޭމާ ހިނގުން، އެންޒީ ބޭކަރީ މަތީ ފަންގިފިލާއަށް ( ހުށަހެޅުއްވުން އެދެމެވެ. އީމެއިލުންނަމަ، [email protected] އަށް ފޮނުވުން އެދެމެވެ. ވަޒީފާއަށް އެދޭ  ފޯމް ހުޅުމާލެ ހޮސްޕިޓަލްގެ އިދާރީ އޮފީހުން ލިބެން ހުންނާނެއެވެ. އަދި މި އިއުލާނާއިއެކު ގެޒެޓްގައި އެޓޭޗްކުރެވިފައި ވާނެއެވެ. އީމެއިލް މެދުވެރިކޮށް ފޮނުއްވާ ފޯމުތަކަށް، ފޯމު ބަލައިގަތް ކަމުގެ މެއިލް ފޮނުވާނެއެވެ. މެއިލްއަށް ޖަވާބު ނުލިބޭނަމަ ވަޒީފާގެ އިޢުލާނުގައިވާ އީދާރީ އޮފީސް ނަންބަރަށް ގުޅުއްވުމަށްފަހު ފޯމު ލިބިފައިވޭތޯ ޗެކްކުރައްވަންވާނެއެވެ.

• ވަޒީފާއަށް އެދޭ ފޯމު
• ސީވީ
• އަދާކުރަމުންދާ ވަޒީފާއިން ވީއްލުމާއިމެދު އިއުތިރާޒެއް ނެތްކަމަށް، ވަޒީފާ އަދާކުރާ އޮފީހުގެ ލިޔުން.
• ދިވެހި ރައްޔިތެއްކަން އަންގައިދޭ ކާޑުގެ ކޮޕީ.
• ތަޢުލީމީ ސެޓްފިކެޓްތަކުގެ އަސްލުކަމަށް ތައްގަނޑު ޖަހާފައިވާ ކޮޕީ
• ޕޮލިސް ރިޕޯޓް
• މަސައްކަތުގެ ތަޖުރިބާ އަންގައިދޭ ލިޔުން
• މުއްދަތު ހަމަނުވާ ރެޖިސްޓްރޭޝަން / ލައިސެންސްގެ ކޮޕީ