ޓެނިސް އެސޯސިއޭޝަން އޮފް މޯލްޑިވްސްގެ 4 ވަނަ އިންތިޙާބު

ޓެނިސް އެސޯސިއޭޝަން އޮފް މޯލްޑިވްސްގެ ހިންގާ ގަވާއިދު 19 މާއްދާގައިވާ ގޮތުގެ މަތިން ބާއްވާ ޓެނިސް އެސޯސިއޭޝަން އޮފް މޯލްޑިވްސްގެ 4 ވަނަ އިންތިޚާބު 2020 ވަނަ އަހަރުގެ ނޮވެމްބަރ މަހުގެ 7 ވާ ހޮނިހުރި ދުވަހު ބޭއްވުމަށް ވަނީ ހަމަޖެހިފައެވެ. ވީމާ މި އިންތިޚާބުގައި ވާދަކުރަން އެދޭ މެންބަރުންނަށް ފުރުޞަތު ހުޅުވާލެވިފައިވާ ވާހަކަ އާންމުކޮށް އަންގައި އިޢުލާނު ކުރަމެވެ. އިންތިޚާބުގެ ޤަވާއިދާއި ފޯމުތައް އެސޯސިއޭޝަނުގެ ވެބްސައިޓް www.tennis.mv އިން ޑައުންލޯޑު ކުރެވޭނެއެވެ. އަދި އެސޯސިއޭޝަންގެ އިދާރާއިން ލިބެން ހުންނާނެއެވެ.

 ފުރިހަމަ ކުރެވިފައިވާ އެސޯސިއޭޝަންގެ ހިންގާ ކޮމިޓީގެ އިންތިޙާބަށް ކުރިމަތިލުމަށް ހުށައަޅާ ފޯމާއި ފޯމާއި އެކު ހުށައަޅަން ޖެހޭ ލިޔެކިޔުން އެސޯސިއޭޝަނަށް ހުށައެޅުމުގެ ސުންގަޑިއަކީ 22 އޮކްޓޯބަރ 2020 ވާ ބުރާސްފަތި ދުވަހުގެ 1500 ކުރިންނެވެ. ފޯމާއި ލިޔެކިޔުންތައް ހުށައަޅުއްވާނީ އެސޯސިއޭޝަންގެ އިދާރާއަށް ނުވަތަ އެސޯސިއޭޝަންގެ އީމެއިލް [email protected]  މެއިލް ކުރައްވައިގެންނެވެ.

އިންތިޚާބީ ޖަލްސާއޮންނާނެ ވަގުތާއި ތަން ފަހުން އިޢުލާނު ކުރެވޭނެއެވެ.

11 އޮކްޓޯބަރ 2020