c

ހައްދުންމަތީ ކުނަހަންދޫ ކައުންސިލްގެ އިދާރާSecretariat of the Hadhdhumathi Kunahandhoo Council     ކުނަހަންދޫKunahandhoo                                                          

ދިވެހިރާއްޖެ                                                     Republic of Maldives                                    ނަންބަރު: (IUL)405-A/2020/46   

އިޢުލާން

ކުނަހަންދޫ އިން ދޫކޮއްފައިވާ ގޯތިތަކުގެ ތެރެއިން ދޫކޮއްލާފައިވާ ގޯތިތަށް އަލުން ދޫކުރުން

                  ބިމާބެހޭ ޤާނޫނު (ޤާނޫނު ނަމްބަރ 2002/01) ގެ 12 ވަނަ މާއްދާއާއި، އެޤާނޫނުގެ ދަށުން ހެދިފައިވާ "ދިރިއުޅުމަށްޓަކައި، ބަންޑާރަ ގޯތި ދޫކުރުމާބެހޭ ގަވާއިދު" ގައިވާ ގޮތުގެ މަތީން ދިރިއުޅުމަށްޓަކައި ލ.ކުނަހަންދޫ އިން ގޯތި ދީފައިވާ ފަރާތްތަކުން އެކިއެކި ސަބަބު ތަކާއި ހުރެ ދޫކޮއްލަފައިވާތީ، 3000 އަކަފޫޓުގެ 15 ގޯތި އަލުން ދޫކުރުމަށް ކައުންސިލުން ވަނީ ނިންމާފައެވެ. އެގޮތުން މި 15 ގޯތި ހިމެނޭ ޞަރަހައްދުތަކުގެ ޗާޓު މިއިދާރާގެ ނޯޓިސް ބޯޑުގައި ބެހެއްޓިފައި ހުންނާނެއެވެ.

ވީމާ، މި އިޢުލާނުގައި ދަންނަވާފައިވާ ޝަރުތުތައް ފުރިހަމަވާ ފަރާތްތަކުން 07 ސެޕްޓެމްބަރ 2020ވާ ހޯމަ ދުވަހުގެ މެންދުރު 13.00ގެ ކުރިން  ލ.ކުނަހަންދޫއިން ގޯޗައް އެދޭފޯމް ފުރިހަމަ ކުރެއްވުމަށްފަހު ފޯމާއެކު ހުށަހަޅަންޖެހޭ އެންމެހާ ލިޔެކިޔުންތައް މިއިދާރާއަށް ހުށަހެޅުއްވުން އެދެމެވެ. ފޯމާއެކު ހުށަހެޅަންޖެހޭ ލިޔުންތައް ހުށަނާޅާ ފަރާތްތަކުގެ ފޯމު ބާޠިލް ކުރެވޭނެ ވާހަކަވެސް ދަންނަވަމެވެ. ގޯއްޗަށް އެދޭ ފޯމު މިއިދާރާގެ ރިސެޕްޝަނުން ލިބެން ހުންނާނެއެވެ.

ގޯއްޗަށް އެދި ހުށަހަޅާ ފަރާތުގައި ހުންނަންޖެހޭ ޝަރުތުތައް

1-    ދިވެހި ރައްޔިތަކަށްވުން.

2-    އުމުރުން 18 އަހަރު ވެފައިވާ މީހަކަށްވުން.

3-    ދިވެހިރާއްޖޭގެ އެއްވެސް ރަށަކުން، ތިރީގައި ބަޔާންކޮށްފައިވާފަދައިން ބިމެއް ލިބިފައި އޮވެގެން ނުވާނެއެވެ.

3.1 ދިވެހިރާއްޖޭގެ އެއްވެސް ރަށަކުން ބަންޑާރަ ގޯއްޗެއް، ނުވަތަ އަމިއްލަ ގޯއްޗެއް، އެމީހެއްގެ ނަމުގައި ރަޖިސްޓަރީ ވެފައިނެތުން.

3.2 ދިވެހިރާއްޖޭގެ އެއްވެސް ރަށަކުން އަމިއްލަ ނުވަތަ، ބަންޑާރަ ގޯއްޗެއްގައިވާ ނުއުފުލޭ މުދަލުން ލިބިގެން އެފަދަ ގޯއްޗަކުން 600 އަކަފޫޓަށްވުރެ ބޮޑު ބައެއް ލިބިފައިނެތުން.

3.3 އިސްވެ ބަޔާންކޮށްފައިވާ ގޮތްތަކުގެ ތެރެއިން ގޮތަކުން، 600 އަކަފޫޓަށްވުރެ ކުޑަ ނުވަތަ ބޮޑުބައެއް ލިބިފައިވާނަމަ "ދިރިއުޅުމަށް ބަންޑާރަ ގޯތި ދޫކުރުމާބެހޭ ޤަވާއިދު" އާއި އެއްގޮތް ވާގޮތުގެމަތިން އެބިން ދޫކޮށްލަން އެއްބަސްވުން. އަދި އެފަދައިން ބިން ދޫކޮށްލަން އެއްބަސްވާ ކަމުގެ ލިޔުމެއް ފޯމާއެކު ހުށަހަޅަންވާނެއެވެ. އަދި އެފަދަ ލިޔުމެއް ހުށަނާޅާނަމަ، ފޯމުބާތިލްވާނެއެވެ.

1. ރާއްޖޭގެ އެއްވެސް ރަށެއްގައި ސަރުކާރުން ހަދާފައިވާ ޢިމާރާތެއްގެ ފްލެޓެއް، ނުވަތަ އެއްމެދު އިމާރާތެއްގެ ފްލެޓެއް އެމީހެއްގެ ނަމުގައި ރަޖިސްޓަރީވެފައި ނެތުން، ނުވަތަ މިފަދަ ތަނެއް އަމިއްލަ ނަމުގައި ރަޖިސްޓަރީކޮށްފައި ވީނަމަވެސް އެތަނެއް ދޫކޮށްލިތާ ނުވަތަ އެހެންފަރާކަށް ދޫކޮށްލިތާ ނުވަތަ އެހެން ފަރާތަކަށް ދީ ނުވަތަ ވިއްކާފައިވާތާ 2 އަހަރަށްވުރެ ގިނަދުވަސް ވެފައިވުން.
2. ފާއިތުވި 2 އަހަރު ދުވަހުގެ މުއްދަތުގެ ތެރޭގައި ވާރުތަ މުދަލުގެ ގޮތުގައި ލިބިފައިވާ 600 އަކަފޫޓަށްވުރެ ބޮޑު ބިމެއް ޝަރުޢީ މަރުހަލާގެ ތެރެއިން ދޫކޮށްލާފައިވާ ފަރާތަކަށް ނުވުން.
3. ރާއްޖޭގެ އެއްވެސް ރަށަކުން މީގެކުރިން ލިބިފައިވާ ގޯއްޗެއް ނުވަތަ ގޯއްޗަކުން ލިބިފައިވާ 600 އަކަފޫޓަށްވުރެ ބޮޑުބައެއް ވޭތުވެދިޔަ 2 އަހަރުގެ ތެރޭގައި މީހަކަށްދީ ނުވަތަ ވިއްކާފައިވުން.
4. އެއްމެދު އިމާރާތެއްގެ ފުލެޓެއް އެމީހެއްގެ ނަމުގައި ރަޖިސްޓްރީވެފައި ނެތުން ނުވަތަ މިފަދަ ތަނެއް އަމިއްލަ ނަމުގައި އޮވެ، މިތަން ދޫކޮށްލާ ނުވަތަ ވިއްކާފައިވާތާ 2 އަހަރު ދުވަހަށް ވުރެ ގިނަ ދުވަސް ވެފައިވުން.

ނޯޓް: މިޝަރުތުތައް ހަމަނުވާ ފަރާތްތަކުގެ ފޯމް އިވެލުއޭޝަން މަރުހަލާގައި ބާޠިލްވާނެއެވެ. އަދި އެ ފޯމްތައް ބާޠިލްވެފައިވާކަން ސަބަބާއެކު، ފޯމް ހުށަހެޅި ފަރާތަށް ލިޔުމުން އަންގާނެއެވެ.

ގޯތިލިބޭގޮތް :

• ގޯތިލިބެންޖެހޭ ފަރާތްތައް ހޮވާނީ ޕޮއިންޓް ލިބިފައިވާ ތަރުތީބުން ގިނަޕޮއިންޓް ލިބިފައިވާ ފަރާތްތަކަށް އިސްކަންދީގެންނެވެ. އެގޮތުން ދޫކުރުމަށް ހަމަޖެހިފައިވާ ގޯތީގެ އެންމެފަހު ގޯއްޗަށް ވާދަކުރަން އެއްވަރަކަށް ޕޮއިންޓްލިބިފައިވާ ގިނަ  ފަރާތްތައް ތިބިނަމަ އެ ގޯތި ލިބޭމީހާ ކަނޑައަޅާނީ ގުރުއަތުލައިގެންނެވެ.

• ޕޮއިންޓް ލިބޭ މިންވަރަށްބަލައި އިސްކަންދޭ ތަރުތީބުން ގޯތިލިބޭ މީހުންގެލިސްޓަށް ހޮވޭ ދެމަފިރިއަކަށް ދެގޯއްޗެއް ނުލިބޭނެއެވެ. އެދެމަފިރިންގެ ތެރެއިން ގޯތި ލިބޭނީ ނުވަތަ ގުރުއަތަށް ހޮވޭ މީހުންގެ ލިސްޓުގައި ހިމެނޭނީ ގޯއްޗަށް އެދި ހުށަހެޅި މީހުންގެ ތެރެއިން އިސްކަންދޭ ތަރުތީބުން އެ ދެމަފިރިންގެ ތެރެއިން އެންމެ މަތިން މާރކްސް ލިބުނު ފަރާތެވެ. އަދި އެންމެ މަތިން މާރކްސް ލިބޭ ފަރާތަށް ގޯތި ކަށަވަރު ވެއްޖެނަމަ، ދެމަފިރިންގެ ތެރެއިން ބާކީހުރި ފަރާތައް ގޯއްޗެއް ނުލިބޭނެއެވެ. އަދި ގުރުއަތުގައި ބައިވެރިވެސް ނުވެވޭނެއެވެ. ދެމަފިރިންގެ މާރކްސް އެއްވަރު ވެއްޖެނަމަ، ގޯތި ލިބޭނެ ފަރާތެއް ނުވަތަ ގުރުއަތުގައި ބައިވެރިވާނެ ފަރާތެއް ދެމަފިރިން ކަނޑައަޅާންވާނެއެވެ. އަދި ކަނޑަނާޅައިފިނަމަ، ގުރުއަތުގައި ބައިވެރިވާނެ ފަރާތެއް ކަނޑައަޅާނީ އެދެމަފިރިންގެ ތެރޭގައި ގުރުއަތު ލައިގެންނެވެ.

• ޕޮއިންޓް ދެވޭނީ "ލ.ކުނަހަންދޫއިން ގޯއްޗަށް އެދޭ މީހުންނަށް ޕޮއިންޓް ދިނުމުގެ މިންގަނޑު"ގައިވާ ގޮތުގެ މަތިން ކަނޑައެޅިފައިވާ ޕޮއިންޓެވެ.

• ގޯއްޗަށް އެދިފައިވާ މީހުންގެ ފޯމުތަކުގައިވާ މަޢުލޫމާތުތައް ޗެކްކޮށް ޝަރުޠުހަމަވާ މީހުންނަށް ޕޮއިންޓްދީ ޕޮއިންޓް ލިބޭމީހުން ކަނޑައަޅާނީ ގޯތިދިނުމުގެ ޢަމަލީ މަސައްކަތްތައް ކުރުމަށް އެކުލަވާލެވިފައިވާ ކޮމެޓީންނެވެ.

ލ.ކުނަހަންދޫއިން ގޯއްޗަށް އެދޭ މީހުންނަށް ޕޮއިންޓް ދިނުމުގެ މިންގަނޑު

  1- ގޯތި ގެދޮރުގެ ބައި:

2- ކައިވެނީގެ ބައި:

3-    ޚާއްސައެހީއަށް ބޭނުންވާ މީހުންގެ ބައި:

4-    ދަރިންގެ ބައި:

5- އުމުރުގެ ބައި

6-       ރަށްވެހިކަމުގެ ބައި:

7-    ޕޮއިންޓް އުނިކުރުން:

 އިތުރު ތަފްޞީލް:

* ކައިވެނީގެ ބައި: (ނަންބަރު 11.2)ގެ (ހ)އަށް ޕޮއިންޓު ލިބޭނީ ކައިވެނީގެ ސެޓްފިކެޓްގެ ކޮޕީ ހުށަހަޅާފައި ވާނަމައެވެ.

* ކައިވެނީގެ ބައި: (ނަންބަރު 11.2)ގެ (ށ)އަށް ޕޮއިންޓު ލިބޭނީ 18 އަހަރުން ދަށުގެ ދަރިއެއް/ދަރިންބަލާ ފަރާތްތަށެވެ. އެފަދަ ފަރާތެއްނަމަ އެކަން އެނގޭނޭ ލިޔުން ހުށަހަޅަންވާނެއެވެ.

* ޚާއްޞަ އެހީއަށް ބޭނުންވާ މީހުންގެ ބައި: (ނަންބަރ 11.3)އަށް ޕޮއިންޓް ލިބޭނީ ދައުލަތުގެ ކަމާބެހޭ އިދާރާގެ ނުކުޅެދުންތެރިކަން ހުންނަ ދަފްތަރުގައި ހިމެނޭ ފަރާތްތަކަށެވެ. އެފަދަ ފަރާތެއްނަމަ އެކަން އެނގޭނޭ ރަސްމީ ލިޔުން ހުށަހަޅަންވާނެއެވެ.

*  ދަރިންގެ ބައި: (ނަމްބަރ 11.4)ގެ (ހ) އަށް ޕޮއިންޓް ދިނުމުގައި ޝަރުޢީގޮތުން ކޯޓު މެދުވެރިކޮށް ބެލުން ޙަވާލުކޮށްފައިވާ 18 އަހަރުން ދަށުގެ ކުދިންނަށްވެސް އެކަމާއިގުޅޭ ރަސްމީ ލިޔުމެއް ހުށަހަޅާފައިވާނަމަ ޕޮއިންޓް ލިބޭނެއެވެ. އަދި އެފަދަ ދަރިންގެ އުފަން ދުވަހުގެ ސެޓްފިކެޓްގެ ކޮޕީއެއް ފޯމާއިއެކު ހުށަހަޅަންވާނެއެވެ.

* ދަރިންގެ ބައި: (ނަމްބަރ 11.4)ގެ (ށ)އަށް ޕޮއިންޓް ލިބޭނީ ދައުލަތުން ޚާއްސައެހީއަށް ބޭނުންވާ މީހުންނަށްދޭ އިނާޔަތް ލިބޭފަރާތްތަކަށެވެ. އެފަދަ ފަރާތެއްނަމަ އެކަން އެނގޭނޭ ރަސްމީ ލިޔުން ހުށަހަޅަންވާނެއެވެ. އަދި އެފަރާތުގެ އުފަންދުވަހުގެ ސެޓްފިކެޓްގެ ކޮޕީއެއްވެސް ފޯމާއިއެކު ހުށަހަޅަން ވާނެއެވެ.

* ދަރިންގެ ބައި: (ނަމްބަރ 11.4)ގެ (ނ)އަށް ޕޮއިންޓް ދިނުމުގައި ޚާއްޞައެހީއަށް ބޭނުންވާ 02 ދަރިންނަށްވުރެ ގިނައިން ދަރިން ތިބި ކަމުގައި ވިއަސް ދެވޭނީ ޖުމްލަ 08 ޕޮއިންޓެވެ. ދަރިން ތިބެގެން ޕޮއިންޓްދޭނީ ގޯއްޗަށް އެދިފައިވާ މީހާގެ ބެލުމުގެ ދަށުގައި ތިބި ދަރިންނަށެވެ. (މިސާލަކަށް ދަރިފުޅު ނުވަތަ ދަރިން ބަލަމުން ގެންދަނީ ގޯއްޗަށް އެދިފައިވާމީހާ ނުވަތަ އޭނާގެ ފަރާތުން ބަލަންޖެހޭ މީހެއްކަމުގައި ނުވާނަމަ ދަރިންނަށްދޭ ޕޮއިންޓް ގޯއްޗަށް އެދިފައިވާ މީހާއަށް ދޭކަށްނުޖެހޭނެއެވެ.) އެފަދަ ފަރާތެއްނަމަ އެކަން އެނގޭނޭ ލިޔުން ހުށަހަޅަންވާނެއެވެ. އަދި އެފަދަ ފަރާތްތަކުގެ އުފަންދުވަހުގެ ސެޓްފިކެޓްގެ ކޮޕީއެއްވެސް ފޯމާއިއެކު ހުށަހަޅަން ވާނެއެވެ.

  * ރަށްވެހިކަމުގެ ބައި: (ނަންބަރ 11.6) ގެ (ށ) އަދި (ނ)ގައިވާ ބަޔަށް ޕޮއިންޓްދެވޭނީ ގޯއްޗަށް އެދި ހުށަހަޅާފައިވާ ފަރާތުން މިރަށުގައި ދިރިއުޅޭކަން އެނގޭނޭ ލިޔުން ހުށަހަޅާފައިވާ ފަރާތްތަކަށެވެ. އަދި ރަށްވެހިކަން ބަދަލުކޮށްފައިވާކަން އެނގޭނޭ ރަސްމީ ލިޔުން ހުށަހަޅަންވާނެއެވެ. މިލިޔުން ހުށަނާޅާ ފަރާތްތަކަށް ޕޮއިންޓެއް ނުލިބޭނެއެވެ.

* ޕޮއިންޓް އުނިކުރުން: (ނަންބަރު 12)ގެ (ހ) އަށް ޕޮއިންޓް ކެނޑޭނީ މަންމަގެ ނަމުގައި 600 އަކަފޫޓަށްވުރެ ބޮޑު ގޯއްޗެއް އޮވެފައި، ގޯތި ނުލިބިހުރީ ހަމައެކަނި ގޯއްޗަށް އެދިފައިވާ ފަރާތް ކަމަށްވާނަމައެވެ. އަދި މަންމައާއި ބައްޕަގެ ނަމުގައި 600 އަކަފޫޓަށްވުރެ ބޮޑު ގޯއްޗެއް އޮތްކަމުގައި ވާނަމަވެސް ކެނޑޭނީ ހަމަ 10 ޕޮއިންޓެވެ.

* ޕޮއިންޓް އުނިކުރުން: (ނަންބަރު 12)ގެ (ށ) އަށް ޕޮއިންޓް ކެނޑޭނީ ބައްޕަގެ ނަމުގައި 600 އަކަފޫޓަށްވުރެ ބޮޑު ގޯއްޗެއް އޮވެފައި، ގޯތި ނުލިބިހުރީ ހަމައެކަނި ގޯއްޗަށް އެދިފައިވާ ފަރާތް ކަމަށްވާނަމައެވެ. އަދި މަންމައާއި ބައްޕަގެ ނަމުގައި 600 އަކަފޫޓަށްވުރެ ބޮޑު ގޯއްޗެއް އޮތްކަމުގައި ވާނަމަވެސް ކެނޑޭނީ ހަމަ 10 ޕޮއިންޓެވެ.

* ޕޮއިންޓް އުނިކުރުން: (ނަންބަރު 12)ގެ (ނ) އަށް ޕޮއިންޓް ކެނޑޭނީ ގޯއްޗަށް އެދިފައިވާ މީހާގެ މަންމަގެ ނަމުގައި 600 އަކަފޫޓަށްވުރެ ބޮޑު އެއްގޯއްޗަށްވުރެ ގިނަގޯތިއޮތްނަމަ އިތުރުވާ ކޮންމެގޯއްޗަކަށް 5 ޕޮއިންޓެވެ. އަދި މަންމައާއި ބައްޕަގެ ނަމުގައި 600 އަކަފޫޓަށްވުރެ ބޮޑު އެއްގޯއްޗަށްވުރެ ގިނަގޯތިއޮތްނަމަވެސް އިތުރުވާ ކޮންމެގޯއްޗަކަށް ކެނޑޭނީ ހަމަ 05 ޕޮއިންޓެވެ.

* ޕޮއިންޓް އުނިކުރުން: (ނަންބަރު 12)ގެ (ރ) އަށް ޕޮއިންޓް ކެނޑޭނީ ގޯއްޗަށް އެދިފައިވާ މީހާގެ ބައްޕަގެ ނަމުގައި 600 އަކަފޫޓަށްވުރެ ބޮޑު އެއްގޯއްޗަށްވުރެ ގިނަގޯތިއޮތްނަމަ އިތުރުވާ ކޮންމެގޯއްޗަކަށް 5 ޕޮއިންޓެވެ. އަދި މަންމައާއި ބައްޕަގެ ނަމުގައި 600 އަކަފޫޓަށްވުރެ ބޮޑު އެއްގޯއްޗަށްވުރެ ގިނަގޯތިއޮތްނަމަވެސް އިތުރުވާ ކޮންމެގޯއްޗަކަށް ކެނޑޭނީ ހަމަ 05 ޕޮއިންޓެވެ.

* ފޯމާއިއެކު ހުށަހަޅަން ބުނެފައިވާ ހުރިހާ ލިޔުމެއް (ހުށަހަޅަން ޖެހޭފަރާތްތަކުން) ފުރިހަމަކޮށް ހުށަހަޅަންޖެހޭނެއެވެ. އެފަދަ ލިޔުންތައް ހުށަހަޅާފައި ނުވާނަމަ، އެބަޔަށް ޕޮއިންޓެއް ނުލިބޭނެއެވެ.

 މިހެންވެ މިކަން ޢާންމުކޮށް އެންގުމަށްޓަކައި އިޢުލާން ކުރީމެވެ.

27 ޛުލްޙިއްޖާ  1441

 17 އޮގަސްޓް 2020