ކުޅުދުއްފުށި ދެކުނު ކޮޅުގައިވާ ކުޑަ ކުޅި އަދި އުތުރުކޮޅުގައިވާ މަށިކުޅީގެ ބާކީއޮތް ސަރަހައްދުތަކުން ގަސްކަނޑާކަމުގެ މަޢުލޫމާތު އެންވަޔަރަމަންޓް ޕްރޮޓެކްޝަން އެޖަންސީއަށް ލިބެމުންދާ ކަމުގެ މަޢުލޫމާތު ވަނީ މިއިދަރާއާއި ހިއްސާކޮށްފައެވެ.

           ރުއްގަސް ކެނޑުމާއި، އުފުރުމާއި ކޮނެގެން ނެގުން އަދި އެއްރަށުން އަނެއް ރަށަށް ގެންދިއުމާބެހޭ ޤަވާއިދުގެ 3ވަނަ މާއްދާގެ (ށ) ގައި ބަޔާން ކޮށްފައިވާ ގޮތުން ކަނޑޫފަލާއި، ކުޅިފަދަތަންތަނާއި، އަދި އެތަންތާގެ ވަށައިގެން 15 މީޓަރު ފުޅާ ސަރަޙައްދުގައި ހެދިފައި ހުންނަ ހުރިހާ ބާވަތެއްގެ ރުއްގަހަކީ ރުއްގަހުގެ ތެރެއިން ކެނޑުމާއި އުފުރުން އަދި ކޮނެގެން ނެގުން މަނާ ބާވަތްތަކުގެ ރުއްގަހެވެ.

         އެހެންކަމުން ކުޅުދުއްފުށީގެ ދެކުނު ކޮޅުގައިވާ ކުޑަ ކުޅި އަދި އުތުރުކޮޅުގައިވާ މަށި ކުޅީގެ ސަރަހައްދުތަކާއި އެތަންތަނުގެ ވަށައިގެންވާ ސަރަހައްދުތަކުން އެއްވެސް ބާއްވަތެއްގެ ގަހެއް ކެނޑުން، އުފުރުން ނުވަތަ ކޮނެގެން ނެގުމަކީ މަނާކަމެއް ކަމުގައި އެންވަޔަރަމަންޓް ޕްރޮޓެކްޝަން އެޖެންސީގެ އެދުމުގު މަތިން އާންމުކޮށް އަންގައި އިޢުލާން ކުރަމެވެ. މިއެންގުމާއި ހިލާފުވާ ފަރާތްތަކާއިމެދު ޤާނޫނު ނަންބަރު 7/2010 (ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނު)ގެ 143 މާއްދާގެ ދަށުން ފިޔަވަޅު އަޅަމުންގެންދާނެކަން އާންމުކޮށް އަންގާ އިޢުލާން ކުރީމެވެ.