ޤާނޫނު ނަންބަރު 2019/20 ( ވިޔަފާރި ރަޖިސްޓަރީ ކުރުމުގެ ޤާނޫނު ) އަށް އިޞްލާޙު ގެނައުމުގެ ޤާނޫނަށް 4 ޖެނުއަރީ 2020 ގައި އަމަލު ކުރަން ފެށުމާއެކު، ތިރީގައިވާ ހުއްދަތައް ދޫކުރުން ހުއްޓާލެވިފައިވާ ވާހަކަ މިނިސްޓްރީ އޮފް އިކޮނޮމިކް ޑިވެލޮޕްމަންޓް ގެ ނަންބަރު (IUL)101-BR/1/2020/1  ( 05 ޖަނަވަރީ 2020 ) ގެ އިޢުލާނުން ވަނީ އަންގާފައެވެ.

• އިމްޕޯޓު މުދަލުގެ ވިޔަފާރި ކުރުމުގެ ހުއްދަ
• ސައިހޮޓާ ހިންގުމުގެ ހުއްދަ
• ރެސްޓޯރަންޓް ހިންގުމުގެ ހުއްދަ
• ކެންޓީނު ހިންގުމުގެ ހުއްދަ

   އެގޮތުން 4 ޖެނުއަރީ 2020 އިން ފެށިގެން އިސްވެ ދެންނެވުނު ހުއްދަތަކާއި ގުޅޭ މަހު ފީ ބަލައިގަތުންވެސް މޯލްޑިވުސް އިންލެންޑު ރެވެނިޔު އޮތޯރިޓީން ހުއްޓާލާފައިވާކަން މިނިސްޓްރީން ވަނީ އަންގާފައެވެ. އަދި މިއިން ވިޔަފާރިއެއް ކުރަން ބޭނުންވާ ފަރާތްތަކުން، ޤާނޫނު ނަންބަރު 2014/18 ( ވިޔަފާރި ރަޖިސްޓަރީ ކުރުމުގެ ޤާނޫނު ) ގެ ދަށުން އަމިއްލަ ފަރުދުންގެ ވިޔަފާރިއެއް، ކުންފުންޏެއް، ޕާރޓްނަރޝިޕެއް ނުވަތަ ކޯޕަރޭޓިވް ސޮސައިޓީއެއް ރަޖިސްޓަރީ ކުރުމަށްފަހު މިނިސްޓްރީން އިތުރު ހުއްދައެއް ނުހޯދައި ވިޔަފާރި ފެށޭނެ ވާހަކަވެސް މިނިސްޓްރީގެ އިޢުލާނުން ވަނީ އަންގާފައެވެ. 

   މިހެންވެ، މިކަން އާއްމުކޮށް އެންގުމަށްޓަކައި އިޢުލާނު ކުރީމެވެ.