ނަންބަރު:    123-D1/IUL/2019/29

އިޢުލާން

ނަޒާހަތްތެރިކަން ކުރިއެރުވުމާއި ކޮރަޕްޝަނާ ދެކޮޅަށް ހޭލުންތެރިކުރުމުގެ ޕްރޮގްރާމްތައް ހިންގުމަށް އައްޑޫ ސިޓީގައި ބާއްވާ ޓީ.އޯ.ޓީ ޕްރޮގްރާމަށް ޓްރެއިނަރުން ހޯދުން

ދިވެހިރާއްޖޭގައި ކޮރަޕްޝަނާ ދެކޮޅަށް ހޭލުންތެރިކަން އިތުރުކުރުވުމާއި، ނަޒާހަތްތެރިކަން ކުރިއެރުވުމުގެ މަޤްޞަދުގައި އެންޓި-ކޮރަޕްޝަން ކޮމިޝަނުން ކުރިއަށް ގެންދާ ހޭލުންތެރިކުރުމުގެ ޕްރޮގްރާމްތައް ހިންގުމަށް ޓްރޭނަރުން ހޯދުމަށް ބާއްވާ ޓީ.އޯ.ޓީ ޕްރޮގްރާމުގައި ބައިވެރިވުމަށް ޝައުޤުވެރިވާ ފަރާތްތަކަށް އެ ފުރުޞަތު ހުޅުވާލަމެވެ.  

ބޭނުންވާ ޢަދަދު: 15 (ފަނަރަ)

ޝަރުތު

• ދަށްވެގެން ދިވެހިރާއްޖޭގެ ޤައުމީ ސަނަދު އޮނިގަނޑުގެ ލެވެލް 5 ގެ ސަނަދެއް ޙާސިލް ކޮށްފައިވުން
• ޓްރެއިނިންގ ދިނުމުގެ ދާއިރާއެއްގައި މަދުވެގެން 2 އަހަރުގެ ތަޖުރިބާ ލިބިފައިވުން
• ވޭތުވެދިޔަ 05 އަހަރުގެތެރޭގައި ޖިނާއީކުށެއް ސާބިތުވެ ޙުކުމެއް ތަންފީޛު ކުރަމުންދާ ނުވަތަ ކޮށްފައިވާ މީހެއްކަމުގައި ނުވުން
• ކޮމިޝަނުން ބަލަމުންދާ މައްސަލައެއްގައި ތުހުމަތުކުރެވޭ ނުވަތަ ބަލާފައިވާ މައްސަލައަކާއި ގުޅިގެން ފިޔަވަޅެއް އަޅާފައިވާ ފަރާތަކަށް ނުވުން

ޓްރެއިނަރުންގެ މަސްއޫލިއްޔަތު

• އެންޓި-ކޮރަޕްޝަން ކޮމިޝަނުން ކަނޑައަޅާ ގޮތެއްގެ މަތިން ހޭލުންތެރިކުރުމުގެ ޕްރޮގްރާމްތައް ހިންގުން
• ވޯރކްޝޮޕްއަށް ބޭނުންވާ ޓްރޭނިންގ މެޓީރިއަލް އަދި ސެޝަންތަކުގެ އިވެލުއޭޝަން ތައްޔާރުކުރުން

ޓްރެއިނަރަކަށްވުމަށް ފުރިހަމަކުރަންޖެހޭ ކަންތައްތައް

• އެންޓި-ކޮރަޕްޝަން ކޮމިޝަނުން ހިންގާ ޓްރެއިނިންގ އޮފް ޓްރެއިނަރޒްގެ ޕްރޮގްރާމް ފުރިހަމަކުރުން
• އެންޓި-ކޮރަޕްޝަން ކޮމިޝަންނުން ކަނޑައަޅާ ޓްރެއިނަރުންގެ ސުލޫކީ މިންގަނޑާއި ޓްރެއިނަރުންގެ އިޤްރާރުގައި ސޮއިކުރުން

ޓްރެއިނަރުންގެ އެލަވަންސް

• ޓީ.އޯޓީ ފުރިހަމަކުރުމަށްފަހު ނަންގަވައިދެއްވާ 02 ގަޑިއިރު ނުވަތަ އެއަށްވުރެ ކުރު ކޮންމެ ސެޝަންއަކަށް -/300 ރުފިޔާ
• ޓީ.އޯޓީ ފުރިހަމަކުރުމަށްފަހު ނަންގަވައިދެއްވާ 02 ގަޑިއިރަށްވުރެ ދިގު ކޮންމެ ސެޝަންއަކަށް -/500 ރުފިޔާ

އިތުރު މަޢުލޫމާތު

• ކުރިމަތިލާ ފަރާތްތަކުގެ ތެރެއިން ޝަރުޠުހަމަވާ 15 ފަރާތަށްވުރެން އިތުރަށް ކުރިމަތިލާފައިވާނަމަ، ޕްރޮގްރާމަށް ހޮވޭ ފަރާތްތައް ކަނޑައަޅާނީ:

1. ތަޢުލީމީ ފެންވަރު %40
2. ތަޖުރިބާ %20
3. ޕްރެޒެންޓޭޝަން އަދި އިންޓަރވިއު %40

• ޓްރެއިނަރުން ހޮވުމަށްޓަކައި ބާއްވާ ޓްރެއިނިންގ އޮފް ޓްރެއިނާރޒް ޕްރޮގްރާމެއް މިއަހަރުގެ ޖޫން/ޖުލައި މަހުގެ ތެރޭގައި އައްޑޫ ސިޓީގެ ހިތަދޫ ގައި އޮންނާނެއެވެ.
• ވީމާ މިކަމަށް ޝައުޤުވެރިވެލައްވާ ފަރާތްތަކުން އެންޓި-ކޮރަޕްޝަން ކޮމިޝަނުން މިކަމަށް ތައްޔާރުކޮށްފައިވާ އެޕްލިކޭޝަން ފޯމު ފުރިހަމަ ކުރެއްވުމަށްފަހު 2019 ޖޫން 18 ވާ އަންގާރަ ދުވަހުގެ 13:00 ގެ ކުރިން މި ކޮމިޝަނަށް ނުވަތަ އައްޑޫ ސިޓީގައި ހުންނަ އެންޓި-ކޮރަޕްޝަން ކޮމިޝަނުގެ ދެކުނު ސަރަހައްދީ އޮފީހަށް ހުށަހެޅުއްވުން އެދެމެވެ. އީމެއިލުންނަމަ  [email protected] އަށް ފޮނުއްވުން އެދެމެވެ.
•  ފޯމާއެކު ތިރީގައިމިވާ ލިޔުންތައް ހުށަހެޅުއްވުން އެދެމެވެ. 

1. ޝަރުޠުތަކުގެ ތެރޭގައި ބަޔާންކުރެވިފައިވާފަދަ ދާއިރާއެއްގެ ސަނަދު އަދި ޓްރާންސްކްރިޕްޓްގެ ކޮޕީ.
2. ކުރިމަތިލާ ފަރާތުގެ ވަނަވަރު.
3. މަސައްކަތުގެ ދާއިރާއިން ލިބިފައިވާ ތަޖުރިބާ އަންގައިދޭ ލިޔުން
4. އައިޑީ ކާޑުގެ ފޮޓޯކޮޕީ.

   އިތުރު މަޢުލޫމާތު ހޯއްދެވުމަށް:

ފޯނު ނަންބަރު: 3015214 / 3015200

ފެކްސް ނަންބަރު: 3317182

އީމެއިލް: [email protected]

                  8 ޝައްވާލް 1440

                  11  ޖޫން  2019